Chiking
Latest News

മധ്യപ്രദേശില്‍ വിദ്യാര്‍ത്ഥികള്‍ക്ക് വിതരണം ചെയ്ത ബാഗില്‍ ജാതിപ്പേര്; നടപടിയില്‍ തെറ്റില്ലെന്ന് കോളേജ് പ്രിന്‍സിപ്പല്‍

Web Desk
Android App

പുലിമുരുകന്‍ 35 ദിവസം കൊണ്ട് 100 കോടി പിന്നിടുമെന്ന് തിയേറ്റര്‍ ഉടമകള്‍, മൂന്നാം വാരവും അര്‍ദ്ധരാത്രിയില്‍ ഉള്‍പ്പെടെ പ്രത്യേക ഷോകള്‍ 

മധ്യപ്രദേശില്‍ വിദ്യാര്‍ത്ഥികള്‍ക്ക് വിതരണം ചെയ്ത ബാഗില്‍ ജാതി അച്ചടിച്ചത് വിവാദമാകുന്നു. സംസ്ഥാനത്തെ പട്ടികജാതി/വര്‍ഗ കോളേജ് വിദ്യാര്‍ഥികളുടെ ബാഗിലാണ് സര്‍ക്കാര്‍ ജാതി പതിപ്പിക്കുന്നത്. മാള്‍വ ജില്ലയിലെ മംദസൗറില്‍ രാജീവ് ഗാന്ധി ഗവണ്‍മെന്റ് പിജി കോളേജിലെ 250ഓളം വിദ്യാര്‍ഥികള്‍ക്കാണ് സര്‍ക്കാര്‍ ജാതി പതിപ്പിച്ച ബാഗ് നല്‍കിയത്.

സര്‍ക്കാര്‍ ഈ ബാഗുകള്‍ എസ്.സി /എസ്.ടി പദ്ധതിയില്‍ വിദ്യാര്‍ഥികള്‍ക്ക് വിതരണം ചെയ്തതായിരുന്നു. എസ്.സി /എസ്.ടി എന്നാണ് ബാഗിനു മുകളില്‍ രേഖപ്പെടുത്തിയിരിക്കുന്നത്. ബാഗിനൊപ്പം നോട്ട് ബുക്ക്, പേന, കാല്‍ക്കുലേറ്റര്‍ തുടങ്ങിയ പഠന സാമഗ്രികളും നല്‍കിയിട്ടുണ്ട്.

ജാതി പതിപ്പിച്ച ബാഗുകള്‍ ധരിച്ച വിദ്യാര്‍ത്ഥികളുടെ ചിത്രം സമൂഹ മാധ്യമങ്ങളില്‍ പ്രചരിച്ചതോടെയാണ് സംഭവം വിവാദമായത്. തുടര്‍ന്ന് കോളേജ് പ്രിന്‍സിപ്പല്‍ വിശദീകരണവുമായി രംഗത്തെത്തി. ബാഗ് നല്‍കിയത് ക്ഷേമ പദ്ധതി പ്രകാരമാണെന്നും അതിനാല്‍ ജാതി പതിപ്പിച്ചതില്‍ തെറ്റില്ലെന്നും കോളേജ് പ്രിന്‍സിപ്പല്‍ ബി ആര്‍ നാല്‍വായ വാദിച്ചു.

ജാതി അച്ചടിച്ചത് അതിക്രൂരമാണെന്നും ഒരിക്കലും അംഗീകരിക്കാന്‍ കഴിയില്ലെന്നും മുന്‍ കോണ്‍ഗ്രസ് എംപി മീനാക്ഷി നടരാജന്‍ പ്രതികരിച്ചു. ഇതിനെതിരെ പാര്‍ട്ടി പ്രതിഷേധം സംഘടിപ്പിക്കുമെന്നും അവര്‍ പറഞ്ഞു. ആര്‍എസ്എസ് പിന്തുണയ്ക്കുന്ന മധ്യപ്രദേശ് ഗവണ്‍മെന്റിന്റെ ദലിത് വിരുദ്ധ, ആദിവാസി വിരുദ്ധ മാനസികാവസ്ഥയുടെ തെളിവാണിതെന്ന് മധ്യപ്രദേശ് കോണ്‍ഗ്രസ്സ് സംസ്ഥാന അദ്ധ്യക്ഷന്‍ അരുണ്‍ യാദവ് ട്വീറ്റ് ചെയ്തു.

Top