Chiking
Latest News

ശാസ്ത്രിയുടെ മികച്ച നായകരുടെ പട്ടികയില്‍ നിന്ന് ഗാംഗുലി ഔട്ട്

Web Desk
Android App

ഡല്‍ഹി :ഇന്ത്യയുടെ മുന്‍ ടീം ഡയറക്ടറും നായകനുമായ രവി ശാസ്ത്രി തയ്യാറാക്കിയ മികച്ച നായകന്‍മാരുടെ പട്ടികയില്‍ സൗരവ് ഗാംഗുലിയില്ല. ശാസ്ത്രിയും ഗാംഗുലിയും തമ്മിലുള്ള ഭിന്നത പരസ്യമായ രഹസ്യമാണ്. കുംബ്ലെ ഇന്ത്യന്‍ പരിശീലകനായി എത്തുന്നതിന് മുമ്പ് പരിശീലകനെ കണ്ടെത്താന്‍ നടത്തിയ അഭിമുഖത്തിന്റെ പേരില്‍ ഇരുവരും പരസ്യമായി ഏറ്റുമുട്ടിയിരുന്നു.ഇക്കാരണവും ഗാംഗുലിയെ പട്ടികയില്‍ ഉള്‍പ്പെടുത്താതിരുന്നതിന് കാരണമായേക്കാം.

അതേസമയം ഏകദിന, ട്വന്റി20 നായക സ്ഥാനം ഒഴിഞ്ഞ ധോണിയെ ‘ദാദ’ നായകനെന്നാണ് ശാസ്ത്രി വിശേഷിപ്പിച്ചത്. ധോണിക്ക് ഇനി ക്രിക്കറ്റില്‍ തെളിയിക്കാനൊന്നുമില്ലെന്നും ക്രിക്കറ്റിനെ സംബന്ധിച്ചിടത്തോളം പരമപ്രധാനമായ എല്ലാ കിരീടങ്ങളും നേട്ടങ്ങളും ധോണി നേടി കഴിഞ്ഞെന്നും ശാസ്ത്രി ചൂണ്ടിക്കാട്ടുന്നു.

മികച്ച നായകരുടെ പട്ടികയില്‍ രണ്ടാം സ്ഥാനത്തുള്ളത് കപില്‍ ദേവാണ്. 1983ലെ ലോകകപ്പും 1986 ല്‍ ഇംഗ്ലണ്ടില്‍ നേടിയ ടെസ്റ്റ് പരമ്പര നേട്ടവും കപിലിന്റെ മികച്ച നേട്ടങ്ങളാണ്. ഏകദിന ഭ്രമത്തിലേക്ക് ക്രിക്കറ്റ് കടക്കുന്നതിന് മുമ്പ് 1971 ല്‍ വെസ്റ്റിന്‍ഡീസിലും ഇംഗ്ലണ്ടിലും തുടര്‍ച്ചയായ ടെസ്റ്റ് പരമ്പര ജയം നേടിയ അജിത്ത് വഡേക്കര്‍, ടൈഗര്‍ പട്ടോഡി എന്നിവരും മികച്ച നായകരാണ്. മറ്റാരും ആ വിശേഷണത്തിന് അര്‍ഹരല്ലെന്നും ശാസ്ത്രി പറഞ്ഞു.

Top