Chiking
Latest News

ഇന്ത്യന്‍ നായകള്‍ എന്ന് വിളിച്ച് അധിക്ഷേപിച്ചു; കുവൈറ്റ് വിമാനത്താവളത്തിലെ ഇമിഗ്രേഷനില്‍ നിന്ന് മോശം അനുഭവമുണ്ടായതായി അഡ്‌നാന്‍ സാമിയുടെ ആരോപണം

Web Desk
Indian Telegram Android App Indian Telegram IOS App

ന്യൂഡല്‍ഹി: കുവൈറ്റ് വിമാനത്താവളത്തിലെ ഇമിഗ്രേഷന്‍ അധികൃതര്‍ തന്റെ ജീവനക്കാരെ ‘ഇന്ത്യന്‍ നായകള്‍’ എന്ന് വിളിച്ച് അധിക്ഷേപിച്ചെന്ന ആരോപണവുമായി പ്രശസ്ത ഗായകന്‍ അഡ്‌നാന്‍ സാമി രംഗത്ത്. ഒരു ലൈവ് പരിപാടിക്കായി കുവൈറ്റിലെത്തിയതായിരുന്നു സാമി. വിമാനത്താവളം ഇമിഗ്രേഷന്‍ തന്റെ ജീവനക്കാരോട് ക്രൂരമായും വളരെ മോശമായുമാണ് പെരുമാറിയതെന്ന് സാമി ആരോപിച്ചു.

”ഞങ്ങള്‍ നിങ്ങളുടെ നാട്ടിലേക്ക് വന്നത് സ്‌നേഹത്തോടെയാണ്. ഞങ്ങളുടെ ഇന്ത്യന്‍ സഹോദരന്‍മാര്‍ സ്‌നേഹത്തോടെ ആലിംഗനം ചെയ്തു. എന്നാല്‍ നിങ്ങള്‍ ഒരു പിന്തുണയും നല്‍കിയില്ല. കുവൈറ്റി വിമാനത്താവള ഇമിഗ്രേഷന്‍ എന്റെ ജീവനക്കാരോട് മോശമായി പെരുമാറി. ഒരു കാരണവുമില്ലാതെ അവരെ ”ഇന്ത്യന്‍ നായകള്‍” എന്ന് അധിക്ഷേപിച്ചു. ഞങ്ങള്‍ നിങ്ങളെ സമീപിച്ചപ്പോള്‍ നിങ്ങള്‍ ഒന്നും ചെയ്തില്ല. കുവൈറ്റികള്‍ക്ക് എങ്ങനെയാണ് ഇത്ര മോശമായി പെരുമാറാന്‍ സാധിക്കുന്നത്?”, സാമി കുവൈറ്റിലെ ഇന്ത്യന്‍ എംബസിക്ക് ട്വീറ്റ് ചെയ്തു.

പിന്നീട് കേന്ദ്ര ആഭ്യന്തരമന്ത്രി രാജ്‌നാഥ് സിംഗിനും വിദേശകാര്യമന്ത്രി സുഷമ സ്വരാജിനെയും ട്വീറ്റില്‍ ടാഗ് ചെയ്തു. ട്വീറ്റ് കണ്ട സുഷമ സ്വരാജ് തന്നെ ഫോണില്‍ വിളിക്കാന്‍ സാമിയോട് ആവശ്യപ്പെട്ടു. വിഷയത്തില്‍ സുഷമ സ്വരാജ് ഇടപെടുന്നുണ്ടെന്ന് പിന്നീട് ആഭ്യന്തരസഹമന്ത്രി കിരണ്‍ റിജുജു സാമിക്ക് ട്വീറ്റ് ചെയ്തു. കേന്ദ്രത്തിന്റെ ഇടപെടലില്‍ സാമി നന്ദി അറിയിച്ചു.

Top