Chiking
Latest News

നീലാകാശത്തെ സാക്ഷി നിര്‍ത്തി ആഡ്രിയന്‍ സൂസനോട് ചോദിച്ചു വില്‍ യു മാരി മി; സിപ് ലൈനില്‍ വെച്ച് മലയാളി യുവതിക്ക് കിട്ടിയത് കിടിലന്‍ വിവാഹാഭ്യര്‍ത്ഥന (വീഡിയോ)

Web Desk
Indian Telegram Android App Indian Telegram IOS App


റാസല്‍ഖൈമ: അകാശത്തുവെച്ചൊരു വിവാഹാഭ്യര്‍ത്ഥന. ബെംഗളൂരു സ്വദേശി ആഡ്രിയന്‍ മക്കയ്(30) ആണ് തന്റെ കൂട്ടുകാരിയും ബെംഗ്ലുരുവില്‍ താമസിക്കുന്ന മലയാളിയുമായ സൂസന്‍ കുരുവിളയോട് നീലാകാശത്തെ സാക്ഷി നിര്‍ത്തി തന്റെ ജീവിത പങ്കാളിയാകാന്‍ താത്പര്യമുണ്ടോ എന്ന് ചോദിച്ചത്. ലോകത്തെ ഏറ്റവും നീളമുള്ള റാസല്‍ഖൈമയിലെ സിപ് ലൈനില്‍ വെച്ചാണ് ഏവരെയും അത്ഭുതപ്പെടുത്തുന്ന ഈ വ്യത്യസ്തമായ വിവാഹാഭ്യര്‍ത്ഥന നടന്നത്.

റാസല്‍ഖൈമ വിനോദസഞ്ചാര വികസന അതോറിറ്റി, ടോറോ വെര്‍ഡെ യുഎഇ എന്നിവ സംയുക്തമായി ഒരുക്കിയ ‘വില്‍ യു മാരി മി’ എന്ന ബാനറിന് കീഴിലായിരുന്നു ആന്‍ഡ്രിയന്‍-സൂസന്‍ വിവാഹാലോചന.

യുഎഇയുടെ ഉയരം കൂടിയ വിനോദ സഞ്ചാര കേന്ദ്രമായ ജബല്‍ ജെയ്‌സ് മലനിരയില്‍ നിന്ന് 80 മീറ്റര്‍ ഉയരത്തിലാണ് സിപ് ലൈന്‍. 2.83 കിലോ മീറ്റര്‍ സിപ് ലൈനിലൂടെ സഞ്ചരിക്കുന്നതിനിടെ ആന്‍ഡ്രിയന്റെ ചോദ്യം ബാനറായി ഉയര്‍ന്നപ്പോള്‍ ആദ്യമൊന്ന് അമ്പരന്നെങ്കിലും കൂടുതല്‍ ആലോചിക്കാതെ സൂസന്‍ തന്റെ സമ്മതമറിയിച്ചു. മനസ്സമ്മത ചടങ്ങിന് എന്തെങ്കിലും പ്രത്യേകത വേണമെന്ന് ആലോചിച്ചിരുന്നപ്പോഴാണ് ലോകത്തെ ഏറ്റവും നീളമുള്ള സിപ് ലൈനിനെക്കുറിച്ച് കേട്ടറിഞ്ഞതെന്ന് ആന്‍ഡ്രിയന്‍ പറഞ്ഞു.

പിന്നെ ഒന്നും ചിന്തിച്ചില്ല ഇതു തന്നെ ഏറ്റവും രസകരമായ വേദിയെന്ന് തീരുമാനിച്ചു. താമസിയാതെ സൂസനെയും കൂട്ടി യുഎഇയിലേയ്ക്ക് പുറപ്പെട്ടു. മനോഹരമായ റാസല്‍ഖൈമയിലെ കോരിത്തരിപ്പിക്കുന്ന ജബല്‍ ജെയ്‌സ് മലനിരകളില്‍ നിന്നുള്ള സിപ് ലൈനിലൂടെയുള്ള ഈ യാത്ര ജീവിതത്തിലെ മറക്കാനാകാത്ത അനുഭവമാണെന്ന് ഇരുവരും പറഞ്ഞു.

വീഡിയോ കാണാന്‍ വീഡിയോ മെനുവില്‍ പോവുക

Top