Chiking
Latest News

സര്‍ക്കാരിന്റെ ഓണാഘോഷ പരിപാടികള്‍ മാറ്റി വെയ്ക്കണമെന്ന് രമേശ് ചെന്നിത്തല

Web Desk
Indian Telegram Android App Indian Telegram IOS App

തിരുവനന്തപുരം: സംസ്ഥാനത്ത് കനത്ത മഴയും വെള്ളപ്പൊക്കവും നേരിടുന്ന സാഹചര്യത്തില്‍ തിരുവനന്തപുരത്തെ സര്‍ക്കാരിന്റെ ഓണാഘോഷ പരിപാടികള്‍ മാറ്റി വയ്ക്കണമെന്ന് പ്രതിപക്ഷ നേതാവ് രമേശ് ചെന്നിത്തല. ആഘോഷങ്ങള്‍ക്ക് വേണ്ടി ചെലവഴിക്കുന്ന 30 കോടി രൂപ ദുരുതാശ്വാസ പ്രവര്‍ത്തനങ്ങള്‍ക്ക് വേണ്ടി ഉപയോഗിക്കണമെന്നും രമേശ് ചെന്നിത്തല പറഞ്ഞു.

അസാധാരണമായ സഹചര്യമാണ് സംസ്ഥാനത്ത് നിലനില്‍ക്കുന്നതെന്നും ഇതിനെ നേരിടാന്‍ എല്ലാ യുഡിഎഫ് പ്രവര്‍ത്തകരും ഒറ്റക്കെട്ടായി രംഗത്തിറങ്ങണം. ജനങ്ങളെ സഹായിക്കാനും, ദുരിതാശ്വാസ പ്രവര്‍ത്തനങ്ങള്‍ക്ക് നേതൃത്വം കൊടുക്കാനും, യുഡിഎഫ് എംഎല്‍എമാര്‍ മറ്റു ജനപ്രതിനിധികള്‍ തുടങ്ങിയവര്‍ ഒറ്റക്കെട്ടായി രംഗത്തിറങ്ങണം എന്നും അദ്ദേഹം പറഞ്ഞു.

കേരളം ഇതുവരെ കണ്ടിട്ടില്ലാത്ത ദുരന്തമാണ് നേരിടുന്നത്. കേരളം ഒറ്റക്കെട്ടായി നിന്ന് ഈ ദുരിതാശ്വാസ പ്രവര്‍ത്തനത്തില്‍ പങ്കാളികളാകണം. സന്നദ്ധ സംഘടനകള്‍ സമൂഹ്യ പ്രവര്‍ത്തകര്‍ എല്ലാവരും ഇതിനായി രംഗത്തിറങ്ങണം. പ്രളയക്കെടുത്തി ഉണ്ടായിട്ടുള്ള പ്രദേശങ്ങളില്‍ കൂടുതല്‍ സൈന്യത്തെയും കേന്ദ്ര ദുരന്ത നിവാരണ സേനയെയും വിന്യസിക്കണം ചെന്നിത്തല വ്യക്തമാക്കി.

ഇടുക്കി, വയനാട് തുടങ്ങിയ ജില്ലകളില്‍ ആരോഗ്യ വകുപ്പിന്റെ കൂടുതല്‍ ശ്രദ്ധ ഉണ്ടാവുകയും, കൂടുതല്‍ മെഡിക്കല്‍ ടീമിനെ അയക്കുകയും വേണം. കേന്ദ്ര സര്‍ക്കാര്‍ അടിയന്തിരമായി സഹായം നല്‍കണം. കേന്ദ്രത്തില്‍ നിന്ന് സാധാരണയായി കിട്ടുന്ന സഹായം മാത്രമേ ഇപ്പോള്‍ ലഭിച്ചിട്ടുള്ളു. അതല്ലാതെ കൂടുതല്‍ സഹായം പ്രധാനമന്ത്രി ഉള്‍പ്പെടയുള്ളവര്‍ ഇടപെട്ട് നല്‍കണമെന്നും രമേശ് ചെന്നിത്തല ആവശ്യപ്പെട്ടു.

Top