Chiking
Latest News

ഐപിഎല്‍ മത്സരങ്ങളുടെ സമയ ക്രമത്തില്‍ മാറ്റമുണ്ടാകില്ല; തെരഞ്ഞെടുപ്പ് ബാധിക്കില്ലെന്ന് റിപ്പോര്‍ട്ട്

Web Desk
Indian Telegram Android App Indian Telegram IOS App

ഈ വര്‍ഷത്തെ ഐപിഎല്‍ മത്സരങ്ങളുടെ സമയ ക്രമത്തില്‍ മാറ്റമുണ്ടാകില്ലെന്ന് അറിയിച്ച് കമ്മറ്റി ഓഫ് അഡ്മിനിസ്‌ടേറ്റേഴ്‌സ് ചീഫ് വിനോദ് റായ്. ഇന്ത്യന്‍ പ്രീമിയര്‍ ലീഗിന്റെ ആദ്യ സീസണ്‍ മുതല്‍ 8 മണിക്കും രണ്ട് മത്സരങ്ങളുള്ള ദിവസങ്ങളില്‍ ആദ്യത്തെ മത്സരം 4 മണിക്കുമായിരുന്നു ആരംഭിച്ചിരുന്നത്.

എന്നാല്‍ ഇത്തവണ പൊതു തെരഞ്ഞെടുപ്പ് വരുന്നതിനാല്‍ മത്സര സമയത്തില്‍ മാറ്റമുണ്ടാകുമെന്ന് നേരത്തെ റിപ്പോര്‍ട്ടുകള്‍ ഉണ്ടായിരുന്നു. എന്നാല്‍ തെരഞ്ഞെടുപ്പ് ഐപിഎല്‍ മത്സരങ്ങളെ ബാധിക്കില്ലെന്നും വൈകിട്ട് 4 മണിക്കും, 8 മണിക്കുമായിരിക്കുമെന്നും വിനോദ് റായ് അറിയിച്ചു.

കഴിഞ്ഞ ദിവസം ചേര്‍ന്ന കമ്മറ്റി ഓഫ് അഡ്മിനിസ്‌ട്രേറ്റേഴ്‌സ് യോഗത്തിന് ശേഷമായിരുന്നു വിനോദ് റായ് ഇക്കാര്യം അറിയിച്ചത്. അതേ സമയം ലീഗ് മത്സരങ്ങള്‍ പഴയ സമയത്ത് തന്നെയാണ് ആരംഭിക്കുന്നതെങ്കിലും നോക്കൗട്ട് മത്സരങ്ങളും ഫൈനല്‍ മത്സരവും ഇത്തവണ വൈകിട്ട് 7 മണിക്കായിരിക്കും തുടങ്ങുക.

Top