Chiking
Latest News

ബിജെപിയുടെ സര്‍ജിക്കല്‍ സ്ട്രൈക്ക്: ടോം വടക്കന്‍ തൃശൂരിലോ ചാലക്കുടിയിലോ മത്സരിച്ചേക്കും

Web Desk
Indian Telegram Android App Indian Telegram IOS App

ന്യൂഡല്‍ഹി: ബിജെപിയില്‍ ചേര്‍ന്ന മുന്‍ എഐസിസി സെക്രട്ടറി ടോം വടക്കന്‍ തൃശൂരിലോ ചാലക്കുടിയിലോ സ്ഥാനാര്‍ത്ഥിയായേക്കാന്‍ സാധ്യത. കോണ്‍ഗ്രസില്‍ നിന്ന് തൃശൂര്‍ മണ്ഡലത്തില്‍ മത്സരിക്കാന്‍ ആഗ്രഹം പ്രകടിപ്പിച്ച് ടോം വടക്കന്‍ നേരത്തേ തന്നെ രംഗത്തെത്തിയിരുന്നു. എന്നാല്‍ ഒരു തവണ പോലും ടോം വടക്കന് സീറ്റ് നല്‍കാന്‍ കോണ്‍ഗ്രസ് തയ്യാറായിരുന്നില്ല. ഈ അവസരം മുതലെടുത്താണ് ടോം വടക്കനെ തൃശൂരിലോ ചാലക്കുടിയിലോ മത്സരിപ്പിക്കാന്‍ ബിജെപി ആലോചിക്കുന്നത്.

തൃശൂരില്‍ കെ സുരേന്ദ്രനെയോ തുഷാര്‍ വെള്ളാപ്പള്ളിയെയോ മത്സരിപ്പിക്കാനായിരുന്നു നേരത്തേ ബിജെപിയില്‍ രൂപപ്പെട്ട ധാരണ. തൃശൂരില്‍ തുഷാര്‍ വെള്ളാപ്പള്ളിയെ മത്സരിപ്പിക്കണമെന്ന ആവശ്യം ബിജെപി അധ്യക്ഷന്‍ അമിത് ഷായും നേരത്തേ മുന്നോട്ട് വെച്ചിരുന്നു. ഈ സാഹചര്യം നിലനില്‍ക്കെയാണ് ടോം വടക്കനെ തൃശൂരിലോ ചാലക്കുടിയിലോ മത്സരിപ്പിച്ചേക്കുമെന്ന വാര്‍ത്തകള്‍ പുറത്തുവരുന്നത്.

ഇന്ന് ഉച്ചയോടെ കേന്ദ്രമന്ത്രി രവിശങ്കര്‍ പ്രസാദില്‍ നിന്ന് അംഗത്വം സ്വീകരിച്ചാണ് ടോം വടക്കന്‍ ബിജെപിയില്‍ ചേര്‍ന്നത്. പുല്‍വാമ ആക്രമണ വിഷയത്തില്‍ കോണ്‍ഗ്രസ് സ്വീകരിച്ച നിലപാടില്‍ പ്രതിഷേധിച്ചാണ് തന്റെ രാജിയെന്ന് ടോം വടക്കന്‍ വ്യക്തമാക്കി.

ഉപയോഗിച്ച ശേഷം കറിവേപ്പില പോലെ വലിച്ചെറിയുന്ന രീതിയാണ് ഇപ്പോള്‍ കോണ്‍ഗ്രസില്‍ ഉള്ളതെന്ന് അദ്ദേഹം കുറ്റപ്പെടുത്തി. ഇതോടൊപ്പം കോണ്‍ഗ്രസിലെ കുടുംബവാഴ്ചയും തന്റെ മനം മടുപ്പിച്ചതായി ടോം വടക്കന്‍ പറഞ്ഞു.

Top