സര്‍വ്വീസ് സെന്ററിലെ കള്ളത്തരം കൈയ്യോടെ പിടികൂടി യുവാവ്; വീഡിയോ വൈറല്‍ (വീഡിയോ)

Web Desk

വാഹനം സര്‍വീസ് ചെയ്യാന്‍ കൊടുക്കുന്നവരായിരിക്കും എല്ലാവരും. എന്നാല്‍ ചിലര്‍ക്ക് സര്‍വ്വീസ് സെന്ററുകളില്‍ നിന്ന് അത്ര നല്ല അനുഭവം ആയിരിക്കില്ല ലഭിച്ചിട്ടുണ്ടാകുക. അത് ഫ്രീ സര്‍വ്വീസ് ആണെങ്കില്‍ പിന്നെ പറയുകയും വേണ്ട. വാഹനത്തിന്റെ കുഴപ്പങ്ങളൊക്കെ സര്‍വീസ് സെന്ററിലെ ജീവനക്കാരോടു പറഞ്ഞാലും പലപ്പോഴും അവ നന്നാക്കാറില്ല എന്ന പരാതി വ്യാപകമാണ്. പലപ്പോഴും വാഹനം നല്‍കി കഴിഞ്ഞാല്‍ സര്‍വീസ് സെന്ററിനകത്ത് എന്താണ് നടക്കുന്നതെന്ന് ഒരു പിടിയുമില്ല. തിരികെ തരുന്ന വാഹനവും കൊണ്ട് അവര്‍ പറയുന്നതും വിശ്വസിച്ച് വീട്ടില്‍ പോകുക മാത്രമാണ് ചെയ്യുന്നത്. എന്നാല്‍ സര്‍വ്വീസ് സെന്ററിലെ കള്ളത്തരം കൈയോടെ പിടിച്ചിരിക്കുകയാണ് ബംഗളൂരു സ്വദേശിയായ ഒരു യുവാവ്.

കോടികള്‍ വിലയുള്ള ലംബോര്‍ഗിനി കാറിന് മുകളിലൂടെ ഓടിക്കളിച്ച യുവാവിന് ഉടമ കൊടുത്ത പണി (വീഡിയോ)

പൊന്നുപോലെ സൂക്ഷിക്കുന്ന കോടികള്‍ വിലയുള്ള ലംബോര്‍ഗിനി കാറിന് മുകളില്‍ ഓടിക്കളിച്ച യുവാവിനെ

വാഹനങ്ങളുടെ രൂപമാറ്റത്തിനെതിരെ നടപടി ശക്തമാക്കാന്‍ നിര്‍ദേശം

വാഹനങ്ങളുടെ നിയമപരമല്ലാത്ത രൂപമാറ്റത്തിനെതിരെ നടപടി ശക്തമാക്കാന്‍ സംസ്ഥാന പൊലീസ് മേധാവി ലോക്‌നാഥ് ബെഹ്‌റ ജില്ലാ പൊലീസ് മേധാവികള്‍ക്ക് നിര്‍ദേശം നല്‍കി. സംസ്ഥാനത്ത് വര്‍ധിച്ചുവരുന്ന റോഡപകടങ്ങളില്‍ രൂപമാറ്റം വരുത്തിയ വാഹനങ്ങള്‍ വലിയ പങ്കുവഹിക്കുന്നുണ്ടെന്ന വിലയിരുത്തലിന്റെ പശ്ചാത്തലത്തിലാണ് നിര്‍ദേശം. വാഹനങ്ങളില്‍ കമ്പനി നല്‍കുന്ന രൂപകല്‍പനക്കനുസരിച്ചുള്ള ബോഡി, സൈലന്‍സര്‍ തുടങ്ങിയ ഭാഗങ്ങള്‍ മാറ്റി പകരം മറ്റ് വാഹനഭാഗങ്ങള്‍ കൂട്ടിച്ചേര്‍ത്ത് വരുത്തുന്ന രൂപമാറ്റം നിരവധി സുരക്ഷപ്രശ്‌നങ്ങള്‍ക്കും അപകടങ്ങള്‍ക്കും കാരണമാകുന്നുണ്ടെന്നാണ് വിലയിരുത്തല്‍. എറ്റവും അനിവാര്യമായ ആവശ്യങ്ങള്‍ക്കുമാത്രമേ വാഹനങ്ങള്‍ക്ക് രൂപമാറ്റം നല്‍കുന്നതിന് മോട്ടോര്‍ വാഹനവകുപ്പ് അധികൃതരില്‍നിന്ന് അനുമതി ലഭിക്കൂ.

അടി ഇരന്നു വാങ്ങുകയെന്നു പറഞ്ഞാല്‍ ഇതാണ്; പെട്രോള്‍ പമ്പില്‍ പുകവലിക്കരുതെന്ന് ആവര്‍ത്തിച്ച് പറഞ്ഞിട്ടും അനുസരിക്കാത്ത യുവാവിനോട് പമ്പ് ജീവനക്കാരന്‍ ചെയ്തത് (വീഡിയോ)

പെട്രോള്‍ പമ്പുകളില്‍ പുകവലിയ്ക്കുന്നത് കര്‍ശനമായി നിരോധിച്ചതാണ്. അത് എല്ലാവര്‍ക്കും അറിയാവുന്ന കാര്യവുമാണ്. വലിയ അക്ഷരത്തില്‍ ആള്‍ക്കാര്‍ക്ക് കാണാവുന്ന തരത്തില്‍ എല്ലാ പെട്രോള്‍ പമ്പുകളിലും എഴുതിവയ്ക്കാറുമുണ്ട്. എന്നാല്‍ ഇതൊക്കെ കാറ്റില്‍ പറത്തി, നിയമം ലംഘിച്ച് പമ്പില്‍ നിന്ന് സിഗരറ്റ് വലിച്ച ഒരാളെ ഒരു പെട്രോള്‍ പമ്പ് ജീവനക്കാരന്‍ മാതൃകാപരമായി ശിക്ഷിക്കുന്നതിന്റെ ദൃശ്യങ്ങള്‍ വൈറലയികൊണ്ടിരിക്കുകയാണ്. ബള്‍ഗേറിയയിലെ സോഫിയായിലാണ് സംഭവം നടന്നത്. ഏതാനും യുവാക്കള്‍ ഒരു കാറില്‍ പെട്രോള്‍ പമ്പിലേക്ക് വരുന്നതാണ് ദൃശ്യങ്ങളില്‍ ആദ്യം കാണുന്നത്. കാറിന്റെ മുന്‍വശത്ത് ഇരിക്കുന്ന ഒരാള്‍ സിഗരറ്റ് വലിക്കുന്നതും ദൃശ്യങ്ങളില്‍ കാണാം. മാത്രമല്ല കാറിന് പുറത്തിറങ്ങിയും അദ്ദേഹം സിഗരറ്റ് വലിക്കുന്നുണ്ടായിരുന്നു.

സീറ്റ് ബെല്‍റ്റ് ഇടാതെ പൊലീസിന്റെ കണ്ണുവെട്ടിച്ച യുവതിയ്ക്ക് കിട്ടിയത് ഒരൊന്നൊന്നര പണി

ഗതാഗത നിയമങ്ങള്‍ പാലിക്കാന്‍ പലര്‍ക്കും മടിയാണ്. സ്വന്തം സുരക്ഷയ്ക്ക് വേണ്ടിയാണ് ഇത്തരത്തിലുള്ള റോഡ് നിയമങ്ങളൊക്കെ നിലവില്‍ വരുത്തുന്നത്. എന്നാല്‍ അതൊക്കെ അനുസരിക്കാന്‍ വലിയ ബുദ്ധിമുട്ടാണ് എല്ലാവര്‍ക്കും. ബൈക്കിലായാല്‍ ഹെല്‍മറ്റ് വെയ്ക്കുന്നതുപോലെ തന്നെയാണ് കാറില്‍ സഞ്ചരിക്കുമ്പോള്‍ സീറ്റ് ബെല്‍റ്റ് ധരിക്കണമെന്നതും. പക്ഷെ പലരും ഹെല്‍മറ്റിടുന്നതും സീറ്റ് ബെല്‍റ്റ് ധരിക്കുന്നതും അവനവന് വേണ്ടിയല്ല. പിന്നെയോ പൊലീസിന്റെ പിഴയില്‍ നിന്നും രക്ഷപ്പെടുക എന്ന ലക്ഷത്തില്‍ മാത്രമാണ്. ഇപ്പൊഴിതാ സീറ്റ് ബെല്‍റ്റ് ധരിക്കാതെ കാറില്‍ യാത്ര ചെയ്ത യുവതിക്ക് ലഭിച്ച ശിക്ഷയുടെ ചിത്രങ്ങള്‍ വൈറലായി മാറുന്നു. സീറ്റ് ബെല്‍റ്റ് ധരിക്കാതെ യുവതി കാറില്‍ ഓഫീസിലേക്കു വരുന്നത് കണ്ട ഇവരുടെ ബോസാണ് വ്യത്യസ്തമായ ശിക്ഷാ നടപടി സ്വീകരിച്ചത്.

2023 ആകുമ്പോഴേക്കും മലിനീകരണ വിമുക്ത വാഹനങ്ങളിലേക്ക് മാറുമെന്ന് ജനറല്‍ മോട്ടോഴ്‌സ്

2023ന് മുമ്പ് പൂര്‍ണമായും മലിനീകരണ വിമുക്തമായ വാഹനങ്ങളിലേക്ക് മാറുമെന്ന് ജനറല്‍ മോട്ടോഴ്‌സ്. 22 പുതിയ മോഡലുകള്‍ പുറത്തിറക്കിയാവും ജി.എം മലിനീകരണ വിമുക്തമായ വാഹനലോകത്തിലേക്ക് ചുവടുവെക്കുക. മറ്റ് പല പ്രമുഖ നിര്‍മാതാക്കളും മലിനീകരണ വിമുക്തമായ വാഹനങ്ങള്‍ 2023ന് മുമ്പ് പുറത്തിറക്കുമെന്ന് നേരത്തെ തന്നെ പ്രഖ്യാപിച്ചിരുന്നു. യു.എസിലെ പ്രമുഖ വാഹന നിര്‍മാതാക്കളാണ് ജനറല്‍ മോട്ടോഴ്‌സ് എസ്.യു.വികളും, പിക്ക് അപ്, ട്രക്കുകള്‍ എന്നിവയാണ് കമ്പനി പ്രധാനമായും അമേരിക്കന്‍ വിപണിയില്‍ പുറത്തിറക്കുന്നത്. വാഹനങ്ങള്‍ പൂര്‍ണമായും ഇലക്ട്രിക്, ഹൈഡ്രജന്‍ തുടങ്ങിയവ ഉപയോഗിച്ച് പ്രവര്‍ത്തിക്കുന്ന വാഹനങ്ങള്‍ നിര്‍മിക്കാനാണ് ജി.എമ്മിന്റെ പദ്ധതി.

മുട്ടോളം വെള്ളത്തില്‍ നിന്നുകൊണ്ട് ഗതാഗതം നിയന്ത്രിക്കുന്ന പൊലീസ്; ഈ ഉദ്യോഗസ്ഥന്‍ ആരെന്ന് തിരഞ്ഞ് സോഷ്യല്‍ മീഡിയ(വീഡിയോ)

റോഡിലെ സുരക്ഷ ഉറപ്പുവരുത്താനാണ് ട്രാഫിക് പൊലീസുകാരെ നിയോഗിക്കുന്നത്. എന്നാല്‍ അവരുടെ ജീവന്‍ കളഞ്ഞുള്ള പണിയൊന്നും ഒരു പൊലീസും ചെയ്യില്ല. പക്ഷെ ഹൈദരാബാദിലെ ഒരു ട്രാഫിക് പൊലീസ് ഉദ്യോഗസ്ഥന്‍ നിരവധിയാളുകളുടെ മനസ് കീഴടക്കുകയാണ്. എന്തുതന്നെയായാലും ജോലിയില്‍ ഒരു തടസ്സവും വരുത്താതെയാണ് ഈ പൊലീസുകാരന്‍ താരമായത്. മുട്ടൊപ്പം വെള്ളത്തില്‍ നിന്നുകൊണ്ട് തന്റെ ജോലി കൃത്യമായി നടത്തുകയാണ് അദ്ദേഹം. കുത്തിയൊഴുകുന്ന വെള്ളത്തിന് നടുവില്‍ ഒരു കൈയ്യില്‍ കുടയും പിടിച്ച് മറുകൈകൊണ്ട് ഗതാഗതം നിയന്ത്രിക്കുന്ന പൊലീസ് കോണ്‍സ്റ്റബിളിന്റെ ആത്മാര്‍ത്ഥതയെ പുകഴ്ത്തുകയാണ് സോഷ്യല്‍മീഡിയ. ട്രാഫിക്ക് പൊലീസ് കോണ്‍സ്റ്റബിളിന്റെ ആത്മാര്‍ത്ഥത കണ്ട് ഇഷ്ടപ്പെട്ട ഒരു കാര്‍ ഡ്രൈവര്‍ ദൃശ്യങ്ങള്‍ പകര്‍ത്തി ട്വിറ്ററില്‍ പോസ്റ്റ് ചെയ്യുകയായിരുന്നു.

ഇലക്ട്രിക് കരുത്തില്‍ അമ്പരപ്പിക്കുന്ന വാഹനരൂപവുമായി സുസുക്കി

ഓഫ് റോഡര്‍ എസ്‌യുവി സെഗ്മന്റില്‍ അമ്പരപ്പിക്കുന്നൊരു വാഹന രൂപവുമായി ജാപ്പനീസ് വാഹനനിര്‍മ്മാതാക്കളായ സുസുക്കി. ഇ-സര്‍വൈവറെന്നാണ് പുതിയ മോഡലിന്റെ പേര്. 45ാമത് ടോക്കിയോ മോട്ടോര്‍ ഷോയ്ക്ക് മുന്നോടിയായിട്ടാണ് ഈ വാഹനം അവതരിപ്പിക്കുന്നതെന്നാണ് റിപ്പോര്‍ട്ട്. പൂര്‍ണമായും ഇലക്ട്രിക് കരുത്തിലുള്ള കോണ്‍സപ്റ്റ് മോഡലിന്റെ ചിത്രങ്ങളാണ് ഇപ്പോള്‍ പുറത്തു വന്നിരിക്കുന്നത്. ഉയര്‍ന്ന ഗ്രൗണ്ട് ക്ലിയറന്‍സ്, വലിയ വീല്‍ ആര്‍ക്ക്, വ്യത്യസ്തമായ അകത്തളം എന്നിവ ഇ-സര്‍വൈവറിനെ വേറിട്ടതാക്കുന്നു. നിരത്തിലെ ദൃശ്യങ്ങള്‍ ഡ്രൈവറുടെ മുന്നിലെത്തിക്കുന്നത് റിയര്‍വ്യൂ മിററിന് പകരം ക്യാമറകളാണ്. ഭാരം വളരെ കുറഞ്ഞ മോഡലാണ് ഇ-സര്‍വൈവര്‍. ഇതുവഴി പെര്‍ഫോമെന്‍സ് വര്‍ധിപ്പിക്കാന്‍ സാധിക്കുമെന്നാണ് കമ്പനിയുടെ കണക്കുകൂട്ടല്‍. രണ്ടു പേര്‍ക്ക് മാത്രമേ ഈ ഓപ്പണ്‍ റൂഫ് വാഹനത്തില്‍ യാത്ര ചെയ്യാന്‍ കഴിയുകയുള്ളൂ. നൂറ് വര്‍ഷങ്ങള്‍ക്ക് ശേഷമുള്ള ലോകം മുന്നില്‍ കണ്ടാണ് വാഹനത്തിന്റെ ഡിസൈനെന്നാണ് കമ്പനിയുടെ അവകാശവാദം.

ഡല്‍ഹിയില്‍ വാഹനം വീടിന് പുറത്ത് ആണെങ്കിലും പാര്‍ക്കിങ് ഫീ കൊടുക്കേണ്ടിവരും

സ്വന്തം വീടിന് പുറത്ത് വാഹനം പാര്‍ക്ക് ചെയ്താലും പാര്‍ക്കിങ് ഫീ കൊടുക്കേണ്ടി വന്നാലോ? എന്നാല്‍ ഡല്‍ഹിയില്‍ അങ്ങനെയൊരു നിയമം വരാന്‍പോകുകയാണ്. ഡല്‍ഹിയിലെ ലഫ്റ്റന്റ് ഗവര്‍ണര്‍ അനില്‍ ബൈജാലാണ് ഇത്തരമൊരു നിയമംകൊണ്ടുവരാന്‍ ചൂക്കാന്‍പിടിച്ചത്. ഡല്‍ഹി ഗതാഗതമന്ത്രി കൈലാഷ് ഗെലോട്ടിന്റെ പിന്തുണയും ഇക്കാര്യത്തിനുണ്ട്. ഡല്‍ഹി മെയിന്റനന്‍സ് ആന്‍ഡ് മാനേജ്‌മെന്റ് പാര്‍ക്കിങ് റൂള്‍ 2017 നിര്‍ദ്ദേശത്തിലാണ് ഇക്കാര്യം പറയുന്നത്.

കാരറ്റ് എന്ന് കരുതി കാര്‍ കടിച്ചു നശിപ്പിച്ചു; കഴുതയ്ക്ക് 5 ലക്ഷം രൂപ പിഴ വിധിച്ചു

ബെര്‍ലിന്‍: ഓറഞ്ച് നിറമുള്ള കാര്‍ കണ്ട് കാരറ്റ് എന്ന് കരുതി കടിച്ചു നശിപ്പിച്ച കഴുതയ്ക്കും ഉടമസ്ഥനും കിട്ടിയത് എട്ടിന്റെ പണി. 5,000 യൂറോ (നാലേ മുക്കാല്‍ ലക്ഷത്തോളം രൂപ )ആണ് കഴുതയ്ക്ക് പിഴയായി കോടതി വിധിച്ചിരിക്കുന്നത്. ജര്‍മന്‍ കോടതിയുടേതാണ് വിധി. കഴുതയുടെ ഉടമയാണ് കാറുടമ മാര്‍ക്കസ് സാന്‍ ആണ് ഈ പിഴ ഒടുക്കേണ്ടത്. വിറ്റസ് എന്ന കഴുതയാണ് കേസിലെ മുഖ്യപ്രതി. കഴുത ചില്ലറക്കാരനല്ല. സൂപ്പര്‍കാറായ മക്ലാരന്‍ സ്‌പൈഡറാണ് കഴുതയുടെ വികൃതിയില്‍ കഥാപാത്രമായത്. കാറിന്റെ പെയ്ന്റ് ഇളകി പോയെന്ന പരാതിയുമായി ഉടമസ്ഥന്‍ പോലീസിനെ സമീപിക്കുകയായിരുന്നു.
കഴിഞ്ഞവര്‍ഷം സെപ്റ്റംബര്‍ പതിനഞ്ചിനായിരുന്നു സംഭവം. പ്രദേശത്തെ കുതിരകളെ സൂക്ഷിക്കുന്ന മൈതാനത്തിന് സമീപം പാര്‍ക്ക് ചെയ്തു പോയ കാറിന്റെ ബോണറ്റടക്കം കഴുത കടിച്ച് പറിക്കുകയായിരുന്നു. എന്നാല്‍, കഴുതയല്ല കുറ്റക്കാരന്‍ എന്നും കാര്‍ അവിടെ പാര്‍ക്ക് ചെയ്യരുതായിരുന്നു എന്നുമായിരുന്നു കഴുതയുടെ ഉടമസ്ഥന്റെ വാദം. എന്നാല്‍ ഈ വാദം കോടതി അംഗീകരിച്ചിട്ടില്ല.

Page 1 of 951 2 3 4 5 6 95