പയ്യോളിയില്‍ സിപിഐഎം പ്രവര്‍ത്തകന്റെ വീടിന് നേരെ ബോംബേറ്; മൂന്ന് ബിജെപി പ്രവര്‍ത്തകര്‍ കസ്റ്റഡിയില്‍

Web Desk

കോഴിക്കോട്: പയ്യോളിയില്‍ സിപിഐഎം പ്രവര്‍ത്തകന്റെ വീടിന് നേരെ ബോംബേറ്. ഇന്നലെയുണ്ടായ സംഭവത്തില്‍ മൂന്ന് ബിജെപി പ്രവര്‍ത്തകരെ പൊലീസ് കസ്റ്റഡിയിലെടുത്തു. ബിജെപി പ്രവര്‍ത്തകരായ അക്ഷയ്, അഭിമന്യു, സെന്തില്‍ എന്നിവരാണ് കസ്റ്റഡിയിലായത്. ഇന്നലെ രാത്രിയാണ് സിപിഐഎം പ്രവര്‍ത്തകനായ അയനിക്കാട് ആവിത്താരമേല്‍ സത്യന്റെ വീട്ടിലേക്ക് ബോംബേറുണ്ടായത്. ചെത്തുതൊഴിലാളി യൂണിയന്‍ അംഗമാണ് സത്യന്‍. സത്യന്റെ ഭാര്യ മഹിളാ അസോസിയേഷന്‍ ഭാരവാഹിയാണ്. ഇവര്‍ വീടിന്റെ മുന്‍വശത്ത് ഇരിക്കുമ്പോഴാണ് ബൈക്കിലെത്തിയ സംഘം ബോംബെറിഞ്ഞത്. വീടിന്റെ മുന്‍വശത്തിന് കാര്യമായ കേടുപാടുകള്‍ ഉണ്ടായിട്ടുണ്ട്. ആര്‍ക്കും പരിക്കേറ്റിട്ടില്ല. കേസില്‍ കൂടുതല്‍ […]

മിഠായിത്തെരുവ് ആക്രമണം തടയുന്നതില്‍ കമ്മീഷണര്‍ക്ക് വീഴ്ച പറ്റിയെന്ന് ആരോപിച്ച പൊലീസുകാരനെതിരെ നടപടിയുണ്ടായേക്കും

കോഴിക്കോട്: ഹര്‍ത്താല്‍ ദിനത്തില്‍ കോഴിക്കോട് മിഠായിത്തെരുവിലുണ്ടായ അക്രമം തടയുന്നതില്‍ ജില്ലാ പൊലീസ് മേധാവി പരാജയപ്പെട്ടന്ന് ആരോപിച്ച് ഫെയ്‌സ്ബുക്ക് പോസ്റ്റിട്ട പൊലീസുകാരനെതിരെ നടപടി ഉണ്ടായേക്കും. കമ്മീഷണര്‍ക്കെതിരെ പോസ്റ്റിട്ട പൊലീസുകാരന്‍ ഉമേഷ് വള്ളിക്കുന്നിനെതിരെ നടപടിക്ക് ശുപാര്‍ശ ചെയ്തു. ഡിവൈഎസ്പി ബിജു കെ സ്റ്റീഫന്‍ ഉമേഷിന്റെ മൊഴി എടുത്തു. ക്രൈംബ്രാഞ്ച് എസ്പിക്ക് ഡിവൈഎസ്പി ഇന്ന് റിപ്പോര്‍ട്ട് നല്‍കും. കോഴിക്കോട്ടെ സിവില്‍ പൊലീസ് ഓഫീസറായ ഉമേഷ് വള്ളിക്കുന്ന് എന്ന ഉദ്യോഗസ്ഥനാണ് മേലുദ്യോഗസ്ഥനെതിരെ ഗുരുതര ആരോപണവുമായി രംഗത്തെത്തിയിരുന്നത്. മിഠായിത്തെരുവില്‍ ഹര്‍ത്താനലുകൂലികളെ നേരിടുന്നതില്‍ ജില്ലാപൊലീസ് മേധാവി […]

ഹര്‍ത്താല്‍ ദിനത്തില്‍ മിഠായിത്തെരുവില്‍ അക്രമം നടത്തിയവരെ കണ്ടെത്താന്‍ പൊലീസ് ലുക്കൗട്ട് നോട്ടീസിറക്കി

കോഴിക്കോട്: ഹര്‍ത്താല്‍ ദിനത്തില്‍ കോഴിക്കോട് മിഠായിത്തെരുവില്‍ അക്രമം നടത്തിയവരെ കണ്ടെത്താന്‍ പൊലീസ് ലുക്കൗട്ട് നോട്ടീസിറക്കി. പൊലീസിന്റെ ക്യാമറയില്‍പ്പെട്ടതിന് പുറമെ കടകളില്‍ നിന്ന് ശേഖരിച്ച ദൃശ്യങ്ങളും പരിശോധിച്ചാണ് ലുക്കൗട്ട് നോട്ടീസ് തയാറാക്കിയത്.ശബരിമല കര്‍മ്മസമിതിയുടെ പ്രധാന നേതാക്കളുള്‍പ്പെടെ പതിനൊന്ന് പേരാണ് പട്ടികയിലുള്ളത്. 31 പേരെയാണ് ഇതുവരെ മിഠായിത്തെരുവിലെ ആക്രമണത്തിന്റെ പേരില്‍ പൊലീസ് അറസ്റ്റ് ചെയ്തത്. മിഠായിത്തെരുവിലുണ്ടായ സംഘര്‍ഷം നിയന്ത്രിക്കുന്നതില്‍ പൊലീസിന് വീഴ്ചയുണ്ടായെന്ന് വിമര്‍ശനമുയര്‍ന്നിരുന്നു. ഈ സാഹചര്യത്തിലാണ് ടൗണ്‍ സി.ഐയുടെ നേതൃത്വത്തില്‍ പ്രത്യേക സംഘം രൂപീകരിച്ച് അന്വേഷണം ഊര്‍ജിതമാക്കിയത്.

ശബരിമലയില്‍ ദര്‍ശനത്തിനെത്തിയ ബിന്ദു തങ്കം കല്യാണിയുടെ മകള്‍ക്ക് സ്‌കൂളില്‍ പ്രവേശനം നിഷേധിച്ചു

കോഴിക്കോട്: ശബരിമലയില്‍ ദര്‍ശനത്തിനെത്തിയ ബിന്ദു തങ്കം കല്യാണിയുടെ മകള്‍ക്ക് സ്‌കൂളില്‍ പ്രവേശനം നിഷേധിച്ചതായി പരാതി. കുട്ടിയെയും കൊണ്ട് സ്‌കൂളില്‍ ചേര്‍ക്കാന്‍ പോയപ്പോള്‍ സ്‌കൂള്‍ അധികൃതരുടെ ഭാഗത്ത് നിന്ന് അസാധാരണമായ പെരുമാറ്റമാണ് ഉണ്ടായതെന്ന് ബിന്ദു പറഞ്ഞു. കേരള- തമിഴ്‌നാട് ബോര്‍ഡറിലെ ‘വിദ്യ വനം’ ഹയര്‍സെക്കന്ററി സ്‌കൂളിലാണ് ബിന്ദുവിന്റെ മകള്‍ക്ക് പ്രവേശനം നിഷേധിച്ചത്. നേരത്തെ അഡ്മിഷന്‍ നല്‍കാമെന്ന് അധികൃതര്‍ അറിയിച്ചിരുന്നുവെങ്കിലും തിങ്കളാഴ്ച സ്‌കൂളില്‍ എത്തിയപ്പോള്‍ പ്രവേശനം നടക്കില്ലെന്ന് പറയുകയായിരുന്നുവെന്ന് ബിന്ദു പറയുന്നു. താന്‍ ഒരു ആക്ടിവിസ്റ്റല്ലെന്നും എന്നാല്‍ എജ്യൂക്കേഷന്‍ അക്ടിവിസ്റ്റാണ് […]

കൊയിലാണ്ടിയില്‍ സിപിഐഎം- ബിജെപി നേതാക്കളുടെ വീടുകള്‍ക്ക് നേരെ ബോംബേറ്

കോഴിക്കോട്: കൊയിലാണ്ടിയില്‍ സിപിഐഎം- ബിജെപി നേതാക്കളുടെ വീടുകള്‍ക്ക് നേരെ ബോംബേറ്. സിപിഐഎം നേതാവും നഗരസഭ വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാനുമായ കെ. ഷിജുവിന്റെ വീടിന് നേരെയും, ബിജെപി മണ്ഡലം സെക്രട്ടറി വി.കെ.മുകുന്ദന്റെ വീടിന് നേരെയുമാണ് ആക്രമണം നടന്നത്. പുലര്‍ച്ചെ മൂന്ന് മണിക്കും അഞ്ച് മണിക്കുമിടയ്ക്കാണ് സംഭവം. കഴിഞ്ഞ ദിവസം കണ്ണൂര്‍ കൊളവല്ലൂര്‍ ചേരിക്കലില്‍ വന്‍ ബോംബ് ശേഖരം പിടികൂടി. പ്രദേശത്തെ ആളൊഴിഞ്ഞ പറമ്പില്‍ നിന്നാണ് 20 നാടന്‍ ബോംബുകള്‍ പിടികൂടിയത്. കല്ലു വെട്ടിയ കുഴിയില്‍ ബക്കറ്റില്‍ ഒളിപ്പിച്ച […]

കൊയിലാണ്ടി വിയൂരില്‍ ബിജെപി പ്രവര്‍ത്തകന്റെ വീടിന് നേരെ ബോംബേറ്

കൊയിലാണ്ടി: കോഴിക്കോട് കൊയിലാണ്ടിയില്‍ ബിജെപി പ്രവര്‍ത്തകന്റെ വീടിന് നേരെ ബോംബേറ്. വിയൂര്‍ കൊയിലേരി അതുലിന്റെ വീടിന് നേരെയാണ് ബോംബേറുണ്ടായത്. രാത്രിയാണ് ആക്രമണമുണ്ടായത്.വീടിന് കേടുപാടുകള്‍ പറ്റി.ആര്‍ക്കും പരിക്കില്ല.

ഉന്നത ഉദ്യോഗസ്ഥന്റെ ഗുരുതരമായ വീഴ്ചയ്ക്ക് കോഴിക്കോട്ടെ പൊലീസുകാര്‍ മുഴുവന്‍ അപമാനിതരാകേണ്ടതില്ല; മിഠായിത്തെരുവ് സംഘര്‍ഷം തടയുന്നതില്‍ ജില്ലാ പൊലീസ് മേധാവി വന്‍ പരാജയമെന്ന് പൊലീസ് ഉദ്യോഗസ്ഥന്റെ ഫെയ്‌സ്ബുക്ക് പോസ്റ്റ്

കോഴിക്കോട്: ഹര്‍ത്താല്‍ ദിനത്തില്‍ കോഴിക്കോട് മിഠായിത്തെരുവില്‍ കടകള്‍ക്ക് നേരെയുണ്ടായ ആക്രണം തടയുന്നതില്‍ ജില്ലാ പൊലീസ് മേധാവി പൂര്‍ണ പരാജയമായിരുന്നുവെന്ന് പൊലീസ് ഉദ്യോഗസ്ഥന്റെ ഫെയ്‌സ്ബുക്ക് പോസ്റ്റ്. സംഘര്‍ഷം തടയാന്‍ കഴിയാത്ത ജില്ലാ പൊലീസ് മേധാവി വന്‍ പരാജയമാണെന്ന് സിവില്‍ പൊലീസുകാരനായ ഉമേഷ് വള്ളിക്കുന്ന് പറയുന്നു. ഇവിടുത്തെ സംഘര്‍ഷം ഒഴിവാക്കാന്‍ കഴിയുന്നതായിരുന്നു. എന്നാല്‍ കൃത്യമായ പദ്ധതി തയ്യാറാക്കാതിരുന്നതും അത് ഉദ്യോഗസ്ഥരെ അറിയിക്കാതിരുന്നതും പ്രശ്‌നമായെന്നും ഉമേഷ് വിമര്‍ശിക്കുന്നു. ഹര്‍ത്താലിനിടെയുള്ള ആക്രമണങ്ങള്‍ തടയുന്നതില്‍ പൊലീസിന് വീഴ്ചപറ്റിയെന്ന് സിപിഐഎമ്മും പ്രതിപക്ഷവും ആവര്‍ത്തിക്കുന്നതിനിടെയാണ് ഇക്കാര്യം വ്യക്തമാക്കി […]

പേരാമ്പ്രയില്‍ ജുമാ മസ്ജിദിന് നേരെ കല്ലെറിഞ്ഞ സിപിഐഎം നേതാവിനെ റിമാന്‍ഡ് ചെയ്തു

കോഴിക്കോട്: പേരാമ്പ്രയില്‍ മുസ്ലിം പള്ളിക്ക് നേരെ കല്ലെറിഞ്ഞ സിപിഐഎം നേതാവിനെ റിമാന്‍ഡ് ചെയ്തു. മാണിക്കോത്ത് അതുല്‍ ദാസ് ആണ് അറസ്റ്റിലായത്. ഡിവൈഎഫ്‌ഐ മേഖല ഭാരവാഹി കൂടിയാണ് അതുല്‍ ദാസ്. ഹര്‍ത്താല്‍ ദിവസം വൈകീട്ട് ആറരയോടെയാണ് ജുമാ മസ്ജിദിനെ നേരെ അതുല്‍ ദാസിന്റെ നേതൃത്വത്തില്‍ കല്ലേറുണ്ടായത്. ഇയാള്‍ക്കെതിരെ ക്രിമിനല്‍ നിയമം 153 എ പ്രകാരമാണ് കേസ് രജിസ്റ്റര്‍ ചെയ്തിരിക്കുന്നത്. മതസ്പര്‍ധ വളര്‍ത്താനും വര്‍ഗീയകലാപം ഉണ്ടാക്കാനുമുള്ള ശ്രമമാണ് ഇയാള്‍ ചെയ്തതെന്നാണ് പോലീസ് കണ്ടെത്തല്‍. ഹര്‍ത്താല്‍ ദിവസം യൂത്ത് കോണ്‍ഗ്രസ് പ്രദേശത്ത് […]

പേരാമ്പ്രയില്‍ ആര്‍ഡിഒ വിളിച്ച് ചേര്‍ത്ത സമവായനീക്കം പരാജയപ്പെട്ടു; നിരോധനാജ്ഞ നീട്ടി

കോഴിക്കോട്: പേരാമ്പ്രയില്‍ ആര്‍ഡിഒ വിളിച്ച് ചേര്‍ത്ത സമവായനീക്കം പരാജയപ്പെട്ടു. സംഘര്‍ഷസാധ്യത കണക്കിലെടുത്ത് പ്രഖ്യാപിച്ച നിരോധനാജ്ഞ ബുധനാഴ്ച വരെ നീട്ടി. വീടുകള്‍ക്ക് നേരെ ബോംബേറും രാഷ്ട്രീയ പാര്‍ട്ടി ഓഫീസുകള്‍ക്കും, മത സ്ഥാപനങ്ങള്‍ക്കും നേരെയുളള ആക്രമസംഭവങ്ങളുമാണ് ആവര്‍ത്തിച്ചത്. പശ്‌നപരിഹാരം വേണമെന്നും ആക്രമണങ്ങള്‍ ആവര്‍ത്തിക്കരുതെന്നും പറയുന്ന രാഷ്ട്രീയ പാര്‍ട്ടികള്‍ ആര്‍.ഡി.ഒ വിളിച്ചു ചേര്‍ത്ത സര്‍വകക്ഷിയോഗത്തില്‍ നിന്ന് വിട്ടു നിന്നതും തിരിച്ചടിയായി. സമവായത്തിന് തയ്യാറാണന്നും മറ്റു പാര്‍ട്ടികള്‍ സഹകരിക്കണമെന്നുമാണ് സിപിഐഎം ആവശ്യപ്പെടുന്നത്. എന്നാല്‍ സംഘര്‍ഷങ്ങളുടെ ഒരു പക്ഷത്ത് സിപിഐഎം ആണന്നും കേസെടുക്കുന്നതില്‍ പോലും […]

മിഠായിത്തെരുവ് ആക്രമണത്തില്‍ ഏഴ് പേരെ പൊലീസ് അറസ്റ്റ് ചെയ്തു

കോഴിക്കോട്: മിഠായിത്തെരുവ് ആക്രമണത്തില്‍ ഏഴ് പേരെ പൊലീസ് അറസ്റ്റ് ചെയ്തു. ആര്‍എസ്എസ്, ബിജെപി പ്രവര്‍ത്തകരെയാണ് കസ്റ്റഡിയിലെടുത്തത്. പ്രതികളെ കോടതിയില്‍ ഹാജരാക്കും. കോഴിക്കോട് ജില്ലയില്‍ ഇന്നലെ മാത്രം 56 പേരാണ് അറസ്റ്റിലായത്. കനത്ത സുരക്ഷയൊരുക്കിയിട്ടും മിഠായിത്തെരുവില്‍ കടകള്‍ തുറക്കാനെത്തിയ വ്യാപാരികള്‍ക്ക് നേരെ വ്യാപകമായ അക്രമമാണ് ബിജെപി -ആര്‍എസ്എസ്-ശബരിമല കര്‍മസമിതി പ്രവര്‍ത്തകര്‍ അഴിച്ചുവിട്ടത്. കടകള്‍ അടിച്ചു തകര്‍ക്കുകയും ചില്ലുകള്‍ കല്ലെറിഞ്ഞ് തകര്‍ക്കുകയും ചെയ്തു. സംഘര്‍ഷം രൂക്ഷമായതോടെ പൊലീസിന് ഗ്രനേഡ് പ്രയോഗിക്കേണ്ടി വന്നിരുന്നു. കൂടാതെ മിഠായിത്തെരുവിലെ ക്ഷേത്രത്തില്‍ നിന്ന് ആയുധങ്ങള്‍ പിടിച്ചെടുക്കുകയും […]

Page 1 of 581 2 3 4 5 6 58