ചിക്കിംഗ് ഇനി പലസ്തീനിലേക്ക്; ആദ്യ സ്‌റ്റോര്‍ 2019 ഫെബ്രുവരിയില്‍ റാമല്ലയില്‍ തുറക്കും; മൊറോക്കയില്‍ ഈ മാസം പുതിയ സ്‌റ്റോര്‍ പ്രവര്‍ത്തനം ആരംഭിക്കുമെന്ന് ചിക്കിംഗ് ചെയര്‍മാനും മാനേജിംഗ് ഡയറക്ടറുമായ എ കെ മന്‍സൂര്‍

Web Desk

ദുബൈ: ലോകത്തെ ആദ്യത്തെ ഹലാല്‍ ക്വിക്ക് സര്‍വീസ് റസ്റ്റോറന്റ് ബ്രാന്റായ ചിക്കിംഗ് ഇനി പലസ്തീനിലേക്ക്. ചിക്കിംഗിന്റെ പലസ്തീനിലെ ആദ്യ സ്‌റ്റോര്‍ 2019 ഫെബ്രുവരിയില്‍ റാമല്ലയില്‍ പ്രവര്‍ത്തനം ആരംഭിക്കുമെന്ന് ചിക്കിംഗ് ചെയര്‍മാനും മാനേജിംഗ് ഡയറക്ടറുമായ എ.കെ.മന്‍സൂര്‍ പറഞ്ഞു. പലസ്തീനിലെ ഫ്രാഞ്ചൈസി പാര്‍ട്ണര്‍ സിയാദ് ആര്‍.ഒ.ഹാജെയുമായി ഫ്രാഞ്ചൈസി കരാര്‍ ഒപ്പുവെച്ച ശേഷം സംസാരിക്കുകയായിരുന്നു അദ്ദേഹം. ചിക്കിംഗ് ഡയറക്ടര്‍ നിയാസ് ഉസ്മാന്‍, ചിക്കിംഗ് ഓപ്പറേഷന്‍സ് ഡയറക്ടര്‍ മഖ്ബൂല്‍ മോഡി, ബിഎഫ്‌ഐ ഡിഎംസിസി സിഇഒ ശ്രീകാന്ത് എന്‍ പിള്ള എന്നിവര്‍ ചടങ്ങില്‍ പങ്കെടുത്തു. […]

മാധ്യമപ്രവര്‍ത്തകര്‍ക്ക് നിയന്ത്രണം ഏര്‍പ്പെടുത്തി ആഭ്യന്തര സെക്രട്ടറി പുറത്തിറക്കിയ സര്‍ക്കുലറില്‍ അപാകമുണ്ടോയെന്ന് പരിശോധിക്കുമെന്ന് മുഖ്യമന്ത്രിയുടെ ഓഫീസ്

തിരുവനന്തപുരം: മാധ്യമപ്രവര്‍ത്തകര്‍ക്ക് നിയന്ത്രണം ഏര്‍പ്പെടുത്തി ആഭ്യന്തര സെക്രട്ടറി പുറത്തിറക്കിയ സര്‍ക്കുലറില്‍ അപാകമുണ്ടോയെന്ന് പരിശോധിക്കുമെന്ന് മുഖ്യമന്ത്രിയുടെ ഓഫീസ്. ഈയാഴ്ച തന്നെ തീരുമാനമുണ്ടാകും. സര്‍ക്കുലറിനെതിരെ വിമര്‍ശനം ശക്തമായ സാഹചര്യത്തിലാണ് ആവശ്യമെങ്കില്‍ മാറ്റംവരുത്താന്‍ ആഭ്യന്തരവകുപ്പ് അഡീഷണല്‍ ചീഫ് സെക്രട്ടറിയോട് ആവശ്യപ്പെട്ടത്. സര്‍ക്കുലറിലെ പല നിര്‍ദേശങ്ങളും നിലവിലുള്ളതാണെങ്കിലും കര്‍ശനമാക്കിയിരുന്നില്ല. സര്‍ക്കുലര്‍ ഇറക്കി വിവാദം ക്ഷണിച്ചുവരുത്തിയതിനെ ഭരണപക്ഷത്തുള്ളവരും അനുകൂലിക്കുന്നില്ല. പ്രതിപക്ഷം സര്‍ക്കുലറിനെതിരെ കഴിഞ്ഞദിവസം രംഗത്തുവന്നിരുന്നു.

മാധ്യമപ്രവര്‍ത്തകര്‍ക്ക് നിയന്ത്രണം ഏര്‍പ്പെടുത്തി സര്‍ക്കാര്‍; പൊതുസ്ഥലങ്ങളില്‍ മുഖ്യമന്ത്രിയുടെയും മന്ത്രിമാരുടെയും പ്രതികരണങ്ങള്‍ ആരായുന്നതിനാണ് നിയന്ത്രണം

തിരുവനന്തപുരം: മാധ്യമപ്രവര്‍ത്തകര്‍ക്ക് നിയന്ത്രണം ഏര്‍പ്പെടുത്തി സര്‍ക്കാര്‍. മാധ്യമപ്രവര്‍ത്തകര്‍ക്ക് അറിയിപ്പുകള്‍ നല്‍കേണ്ടെന്നാണ് നിര്‍ദേശം. പൊതുസ്ഥലങ്ങളില്‍ മുഖ്യമന്ത്രിയുടെയും മന്ത്രിമാരുടെയും പ്രതികരണങ്ങള്‍ ആരായുന്നതിനാണ് നിയന്ത്രണം.പിആര്‍ഡി നിശ്ചയിക്കുന്ന സ്ഥലത്ത് മാത്രമേ പ്രതികരണം ചോദിക്കാന്‍ പാടുള്ളൂ. ഗസ്റ്റ് ഹൗസിലും റെയില്‍വേ സ്റ്റേഷനിലും പ്രതികരണം എടുക്കുന്നതില്‍ നിയന്ത്രണം ഏര്‍പ്പെടുത്തി. സെക്രട്ടേറിയറ്റിനകത്തും പുറത്ത് പൊതുവദികളിലും മുഖ്യമന്ത്രി, മന്ത്രിമാർ, മറ്റു പ്രശസ്ത വ്യക്തികൾ എന്നിവരുമായി മാധ്യമപ്രവർത്തകർ ഇടപെടുന്നതിന് കർശന നിയന്ത്രണമേർപ്പെടുത്തി ആഭ്യന്തരവകുപ്പ് അഡീഷണൽ ചീഫ് സെക്രട്ടറി സുബ്രത ബിശ്വാസാണ് ഉത്തരവിറക്കിയത്. പൊതുപരിപാടികളിലെത്തുന്ന മുഖ്യമന്ത്രിയുടെയും മന്ത്രിമാരുടെയും പ്രതികരണം മാധ്യമങ്ങൾ നിർബന്ധപൂർവമെടുക്കുന്നത് […]

സിഎന്‍എന്‍ ന്യൂസ് 18 മാനേജിംഗ് എഡിറ്റര്‍ രാധാകൃഷ്ണന്‍ നായര്‍ അന്തരിച്ചു

ന്യൂഡല്‍ഹി : സിഎന്‍എന്‍ ന്യൂസ് 18 മാനേജിംഗ് എഡിറ്റര്‍ രാധാകൃഷ്ണന്‍ നായര്‍ (54) അന്തരിച്ചു. ഡല്‍ഹിയിലെ സ്വകാര്യ ആശുപത്രിയില്‍ ഇന്ന് പുലര്‍ച്ചെയായിരുന്നു അന്ത്യം. ആരോഗ്യ പ്രശ്‌നങ്ങളെ തുടര്‍ന്ന് ഏറെ നാളായി ചികിത്സയിലായിരുന്നു അദ്ദേഹം. യുഎന്‍ഐ, സിഎന്‍ബിസി തുടങ്ങിയ മാധ്യമ സ്ഥാപനങ്ങളില്‍ ശേഷമാണ് അദ്ദേഹം ന്യൂസ് 18 ചാനലിന്റെ ഭാഗമാകുന്നത്. മൃതദേഹം ചൊവ്വാഴ്ച വൈകിട്ട് മൂന്ന് മണിവരെ ഇന്ദിരാപുരത്തെ വസതിയില്‍ പൊതുദര്‍ശനത്തിന് വയ്ക്കും. സംസ്‌കാരം പിന്നീട് സ്വദേശമായ തിരുവനന്തപുരത്ത് നടക്കും.

ചാനല്‍ റേറ്റിംഗില്‍ ഏഷ്യാനെറ്റ് ന്യൂസിനെയും വെല്ലുവിളിച്ച് ജനം ടിവി വീണ്ടും രണ്ടാം സ്ഥാനത്ത്; ശ്രദ്ധേയമായ മുന്നേറ്റമുണ്ടായത് ആട്ട ചിത്തിരയ്ക്ക് നട തുറന്നിരുന്ന ആഴ്ചയില്‍; മണ്ഡല തീര്‍ത്ഥാടന കാലത്ത് വിശ്വാസികള്‍ക്കൊപ്പം എന്ന ടാഗ് ലൈനിലൂടെ മുന്നേറ്റം തുടരാന്‍ തീരുമാനം; ചാനലുകള്‍ തമ്മിലുള്ള മത്സരം അതിശക്തമായേക്കും

കൊച്ചി: ശബരിമല വിഷയത്തില്‍ മലയാള ന്യൂസ് ചാനലുകളില്‍ നേട്ടമുണ്ടാക്കിയത് ജനം ടിവിയാണ്. റേറ്റിംഗില്‍ വലിയ മുന്നേറ്റവുമായി രണ്ടാം സ്ഥാനത്താണ് ജനം ടിവി. ഒന്നാം സ്ഥാനത്തുള്ള ഏഷ്യാനെറ്റുമായി വെറും 17 പോയിന്റിന്റെ വ്യത്യാസം മാത്രമാണ് ജനം ടിവിക്കുള്ളത്. മലയാള ന്യൂസ് ചാനലുകളുടെ ചരിത്രത്തില്‍ ഏഷ്യാനെറ്റിന് വെല്ലുവിളി ഉയര്‍ത്തിയ മറ്റൊരു ചാനലുമുണ്ടായിട്ടില്ല. ആ നേട്ടമാണ് ജനം ടിവി സ്വന്തമാക്കിയത്. മലയാളത്തിലെ വാര്‍ത്ത ഇടപെടലുകളില്‍ ചാനലുകളെ മാറ്റത്തിന് പ്രേരിപ്പിക്കുന്ന ഘടകമായി ശബരിമല സംഭവം മാറുമെന്ന സൂചനയാണ് ഇത് നല്‍കുന്നത്. ബാര്‍ക് റേറ്റിംഗിന്റെ […]

ചിക്കിംഗ് ദുബൈയില്‍ ഇരുപതാമത്തെ സ്റ്റോര്‍ തുറന്നു; പാണക്കാട് മുനവ്വറലി ശിഹാബ് തങ്ങള്‍ ഉദ്ഘാടനം ചെയ്തു; ആഫ്രിക്കന്‍ രാജ്യമായ സാംബിയയില്‍ പുതിയ ഔട്ട്‌ലെറ്റുകള്‍ തുറക്കുന്നതിനുള്ള ഫ്രാഞ്ചൈസി കരാര്‍ ഒപ്പുവെച്ചു; 2019 ഫെബ്രുവരിയില്‍ ലുസാകയില്‍ ആദ്യ ഔട്ട്‌ലെറ്റ് തുറക്കുമെന്ന് ചിക്കിംഗ് ചെയര്‍മാനും മാനേജിംഗ് ഡയറക്ടറുമായ എ.കെ.മന്‍സൂര്‍

ദുബൈ: ലോകത്തിലെ ആദ്യത്തെ ഹലാല്‍ ക്വിക്ക് സര്‍വീസ് റസ്റ്റോറന്റ് ബ്രാന്റായ ചിക്കിംഗ് യുഎഇയില്‍ ഇരുപതാമത്തെ സ്റ്റോര്‍ തുറന്നു. ദുബൈയിലെ നൈഫിലാണ് ഇരുപതാമത്തെ സ്റ്റോര്‍ തുറന്നത്. പാണക്കാട് മുനവ്വറലി ശിഹാബ് തങ്ങള്‍ ഉദ്ഘാടനം നിര്‍വഹിച്ചു. 2000ത്തില്‍ ദുബൈ കേന്ദ്രമാക്കി പ്രവര്‍ത്തനം ആരംഭിച്ച ചിക്കിംഗ് ഇരുപതാമത്തെ വര്‍ഷത്തിലേക്ക് പ്രവേശിക്കുമ്പോള്‍ പ്രവര്‍ത്തന കേന്ദ്രമായ ദുബൈയില്‍ ഇരുപതാമത്തെ സ്റ്റോര്‍ തുറക്കുന്നത് ഏറെ സന്തോഷം നല്‍കുന്നതാണന്ന് ചിക്കിംഗ് ചെയര്‍മാനും മാനേജിംഗ് ഡയറക്ടറുമായ എ.കെ മന്‍സൂര്‍ പറഞ്ഞു. ആഫ്രിക്കന്‍ രാജ്യങ്ങളില്‍ ചിക്കിംഗ് കൂടുതല്‍ ഔട്ട്‌ലെറ്റുകള്‍ തുറക്കുമെന്ന് […]

ചിക്കിംഗ് സൗദി അറേബ്യയില്‍ ആദ്യ സ്റ്റോര്‍ തുറന്നു; സൗദി രാജകുമാരന്‍ സുല്‍ത്താന്‍ ബിന്‍ മന്‍സൂര്‍ അല്‍ സൗദ് സ്‌റ്റോര്‍ ഉദ്ഘാടനം ചെയ്തു; ബ്രൂണൈ മൊറോക്കോ ഓസ്‌ട്രേലിയ അംഗോള ന്യൂസിലാന്‍ഡ് എന്നിവിടങ്ങളില്‍ ചിക്കിംഗിന്റെ പുതിയ സ്റ്റോറുകള്‍ തുറക്കുമെന്ന് ചിക്കിംഗ് ചെയര്‍മാനും മാനേജിംഗ് ഡയറക്റ്ററുമായ എ കെ മന്‍സൂര്‍ (വീഡിയോ)

റിയാദ്: ലോകത്തെ ആദ്യത്തെ ഹലാല്‍ ക്വിക്ക് സര്‍വീസ് റസ്റ്റോറന്റ് ബ്രാന്റായ ചിക്കിംഗ് സൗദി അറേബ്യയില്‍ ആദ്യ സ്‌റ്റോര്‍ തുറന്നു. റിയാദിലെ താജ് സെന്ററിലാണ് (ബിന്‍ സുലൈമാന്‍) ആദ്യ സ്‌റ്റോര്‍ തുറന്നത്. സൗദി രാജകുമാരന്‍ ബിന്‍ മന്‍സൂര്‍ അല്‍ സൗദ് സ്‌റ്റോര്‍ ഉദ്ഘാടനം ചെയ്തു. ബ്രൂണൈ, മൊറോക്കോ, ഓസ്‌ട്രേലിയ, അംഗോള, ന്യൂസിലാന്‍ഡ് എന്നിവിടങ്ങളില്‍ ചിക്കിംഗിന്റെ പുതിയ സ്റ്റോറുകള്‍ തുറക്കുമെന്ന് ചിക്കിംഗ് ചെയര്‍മാനും മാനേജിംഗ് ഡയറക്റ്ററുമായ എ കെ മന്‍സൂര്‍ അറിയിച്ചു. പത്തൊന്‍പത് വര്‍ഷം കൊണ്ട് ലോകത്തിലെ ഏക ഹലാല്‍ […]

കേരളീയരെ നാണംകെട്ടവരെന്നു വിളിച്ച് അപമാനിച്ചു; അര്‍ണബ് ഗോസ്വാമിക്കെതിരെ കണ്ണൂരില്‍ കേസ്

കണ്ണൂര്‍: ടെലിവിഷന്‍ അവതാരകന്‍ അര്‍ണബ് ഗോസ്വാമിക്കെതിരെ കണ്ണൂരില്‍ കേസ്. സിപിഐഎം കണ്ണൂര്‍ ജില്ലാ മുന്‍ സെക്രട്ടറി പി.ശശിയാണ് കണ്ണൂരിലെ പീപ്പിള്‍സ് ലോ ഫൗണ്ടേഷന്റെ ചെയര്‍മാനെന്ന നിലയില്‍ കണ്ണൂര്‍ ജുഡീഷ്യല്‍ ഒന്നാം ക്ലാസ് മജിസ്‌ട്രേട്ട്(ഒന്ന്) കോടതിയില്‍ കേസ് ഫയല്‍ ചെയ്തത്. കേരളീയരെ നാണംകെട്ടവരെന്നു വിളിച്ച് അപമാനിച്ചെന്നാണ് കേസ്. പ്രളയദുരിതത്തിലകപ്പെട്ട കേരളത്തിന് യു.എ.ഇ.യില്‍നിന്ന് 700 കോടി രൂപ സഹായധനമായി ലഭിക്കുമെന്ന വാര്‍ത്തയുമായി ബന്ധപ്പെട്ട വിവാദത്തില്‍ റിപ്പബ്ലിക് ടി.വി. ചാനലില്‍ അര്‍ണബ് ഗോസ്വാമി അപകീര്‍ത്തികരമായ പരാമര്‍ശം നടത്തിയെന്നാണ് പരാതി. യു.എ.ഇ. സഹായധനം […]

അച്ചടി നിര്‍ത്താനൊരുങ്ങി തേജസ് ദിനപത്രം

കോഴിക്കോട്: മലയാള ദിനപത്രമായ തേജസ് അച്ചടി നിര്‍ത്തുന്നു. ഭീമമായ സാമ്പത്തിക ഭാരം തേജസിന്റെ സുഗമമായ മുന്നോട്ടുപോക്കിന് തടസ്സമായിരിക്കുന്നതിനാലാണ് അച്ചടി നിര്‍ത്തുന്നതെന്നാണ് വിശദീകരണം. 2018 ഡിസംബര്‍ 31 ന് പത്രം പ്രസിദ്ധീകരണം നിര്‍ത്തുമെന്ന് തേജസ് മാനേജ്‌മെന്റ് കോഴിക്കോട് വാര്‍ത്താ സമ്മേളനത്തില്‍ അറിയിച്ചു. 2006 ജനുവരി 26 ന് റിപബ്ലിക് ദിന പ്രഭാതത്തിലാണ് കോഴിക്കോട്ടു നിന്ന് തേജസ് ദിനപത്രം പ്രസിദ്ധീകരണം ആരംഭിച്ചത്.

നിലയ്ക്കലില്‍ മാധ്യമപ്രവര്‍ത്തകര്‍ക്ക് നേരെ അക്രമം; വനിതാ മാധ്യമ പ്രവര്‍ത്തകര്‍ക്ക് മര്‍ദ്ദനം; വാഹനങ്ങള്‍ തല്ലിതകര്‍ത്തു

പമ്പ: ശബരിമലയിലെ സ്ത്രീപ്രവേശനത്തിനെതിരെ നടക്കുന്ന സമരത്തിനിടെ മാധ്യമപ്രവര്‍ത്തകര്‍ക്ക് നേരെ വ്യാപക അക്രമം. വനിതാ മാധ്യമപ്രവര്‍ത്തകര്‍ ഉള്‍പ്പെടെയുള്ളവരെ കയ്യേറ്റം ചെയ്തു. മാതൃഭൂമി, മനോരമ, ഏഷ്യാനെറ്റ്, കൈരളി, റിപബ്ലിക്, ന്യൂസ് 18 തുടങ്ങിയ ചാനലുകളുടെ വാഹനങ്ങള്‍ അടിച്ചുതകര്‍ത്തു. റിപബ്ലിക് ടിവിയുടെ റിപ്പോര്‍ട്ടര്‍ പൂജ പ്രസന്നയും ന്യൂസ് 18 റിപ്പോര്‍ട്ടര്‍ രാധികയും സഞ്ചരിച്ച വാഹനങ്ങള്‍ അക്രമികള്‍ അടിച്ചുതകര്‍ത്തു. റിപ്പോര്‍ട്ടര്‍ ചാനലിന്റെ വാര്‍ത്താസംഘം സഞ്ചരിച്ച വാഹനത്തിന് നേരെയും ആക്രമണമുണ്ടായി. ദ ന്യൂസ് മിനുട്ടിന്റെ റിപ്പോര്‍ട്ടര്‍ സരിത ബാലനെ അക്രമികള്‍ കയ്യേറ്റം ചെയ്തു. നൂറിലധികം […]

Page 1 of 561 2 3 4 5 6 56