പാര്‍ട്ടി കോണ്‍ഗ്രസില്‍ ബദല്‍ രേഖ അവതരിപ്പിച്ചുവെന്ന് യെച്ചൂരി (വീഡിയോ)

Web Desk

പാര്‍ട്ടി കോണ്‍ഗ്രസില്‍ ബദല്‍ രേഖ അവതരിപ്പിച്ചതായി സിപിഐഎം ജനറല്‍ സെക്രട്ടറി സീതാറാം യെച്ചൂരി. രണ്ടു വീക്ഷണങ്ങളും അവതരിപ്പിക്കാന്‍ അവരസമുണ്ടായിരുന്നു. കേന്ദ്ര കമ്മിറ്റി തീരുമാനപ്രകാരമാണ് നടപടിയെന്നും യെച്ചൂരി വ്യക്തമാക്കി.

പാര്‍ട്ടി കോണ്‍ഗ്രസിലെ രാഷ്ട്രീയ പ്രമേയത്തിന്‍മേലുള്ള ചര്‍ച്ച; കാരാട്ട് പക്ഷത്തിന് മുന്‍തൂക്കം

ഇരുപത്തിരണ്ടാമത് പാര്‍ട്ടി കോണ്‍ഗ്രസില്‍ രാഷ്ട്രീയ പ്രമേയത്തിന്‍മേലുള്ള ചര്‍ച്ചയില്‍ കാരാട്ട് പക്ഷത്തിന് മുന്‍തൂക്കം. 10 സംസ്ഥാനങ്ങളിലെ പ്രതിനിധികള്‍ കാരാട്ടിനെ പിന്തുണച്ചു. 13 സംസ്ഥാനങ്ങളിലെ പ്രതിനിധികളാണ് ചര്‍ച്ചയില്‍ പങ്കെടുത്തത്. ബംഗാള്‍, തമിഴ്‌നാട്, മഹാരാഷ്ട്ര സംസ്ഥാനങ്ങള്‍ യെച്ചൂരിയോട് യോജിച്ചു. വോട്ടെടുപ്പുണ്ടായാല്‍ രഹസ്യബാലറ്റ് വേണമെന്ന് മഹാരാഷ്ട്ര ആവശ്യപ്പെട്ടു.

പിബി അംഗങ്ങളും കേന്ദ്ര നേതാക്കളും വിടുവായിത്തം നിര്‍ത്തണമെന്ന് സംഘടനാ റിപ്പോര്‍ട്ട്; ജനകീയ സമരങ്ങളില്‍ കേന്ദ്ര നേതാക്കള്‍ കൂടുതല്‍ പങ്ക് വഹിക്കണം; ക്യാംപസ് രാഷ്ട്രീയത്തില്‍ വേണ്ടത്ര അണികളുണ്ടാകുന്നില്ല

ജനകീയ സമരങ്ങളില്‍ കേന്ദ്ര നേതാക്കള്‍ കൂടുതല്‍ പങ്ക് വഹിക്കണമെന്ന് സിപിഐഎം പാര്‍ട്ടി കോണ്‍ഗ്രസിലെ സംഘടനാ റിപ്പോര്‍ട്ട്. ക്യാംപസ് രാഷ്ട്രീയത്തില്‍ വേണ്ടത്ര അണികളുണ്ടാകുന്നില്ലെന്നും വിമര്‍ശനം. പാര്‍ട്ടിയില്‍ തൊഴിലാളി പ്രാതിനിധ്യവും കുറഞ്ഞു. വനിതകളും കുറഞ്ഞുവെന്ന് റിപ്പോര്‍ട്ടില്‍ പറയുന്നു.

ബദല്‍രേഖയല്ല, യെച്ചൂരിയുടേത് പാര്‍ട്ടിയിലെ ന്യൂനപക്ഷത്തിന്റെ അഭിപ്രായം മാത്രമെന്ന് കാരാട്ട്; കോണ്‍ഗ്രസുമായി സഖ്യം സാധ്യമല്ല

ഹൈദരാബാദ്: കോണ്‍ഗ്രസുമായി സഖ്യം സാധ്യമല്ലെന്ന് പാര്‍ട്ടി കോണ്‍ഗ്രസില്‍ പ്രകാശ് കാരാട്ട്. ബൂര്‍ഷ്വാ-ഭൂപ്രഭു പാര്‍ട്ടിയാണ് കോണ്‍ഗ്രസ്. പാര്‍ട്ടി ബിജെപിയെ തോല്‍പ്പിക്കാനുള്ള നിലപാട് കൈക്കൊണ്ടിട്ടുണ്ട്. രാഷ്ട്രീയ നയവും അടവ് നയവും കൂട്ടിക്കുഴയ്ക്കേണ്ട കാര്യമില്ലെന്നും പ്രകാശ് കാരാട്ട് പറഞ്ഞു. സീതാറാം യെച്ചൂരി അവതരിപ്പിക്കുന്നത് ബദല്‍രേഖയല്ല, പാര്‍ട്ടിയിലെ ന്യൂനപക്ഷത്തിന്റെ അഭിപ്രായം മാത്രമാണെന്നും പ്രകാശ് കാരാട്ട് വ്യക്തമാക്കി. അതേസമയം, ബദല്‍രേഖയായി തന്നെയാണ് യെച്ചൂരി പാര്‍ട്ടി കോണ്‍ഗ്രസിനെ അഭിസംബോധന ചെയ്യുന്നതെന്നാണ് റിപ്പോര്‍ട്ട്. രേഖയുടെ പകര്‍പ്പ് അംഗങ്ങള്‍ക്ക് വിതരണം ചെയ്തുകൊണ്ടാണ് യെച്ചൂരി പ്രസംഗിക്കാന്‍ തുടങ്ങിയതെന്നാണ് റിപ്പോര്‍ട്ട്. കൊല്‍ക്കത്ത […]

യെച്ചൂരിക്ക് സിപിഐയുടെ പിന്തുണ; ബിജെപിയെ തോല്‍പിക്കാന്‍ വിശാല സഖ്യം വേണമെന്ന് സുധാകര്‍ റെഡ്ഡി (വീഡിയോ)

കോണ്‍ഗ്രസ് സഹകരണത്തിന് സിപിഐഎം ജനറല്‍ സെക്രട്ടറി യെച്ചൂരിക്ക് സിപിഐയുടെ പിന്തുണ. ബിജെപിയെ തോല്‍പിക്കാന്‍ വിശാല സഖ്യം വേണമെന്ന് സിപിഐ ജനറല്‍ സെക്രട്ടറി സുധാകര്‍ റെഡ്ഡി പറഞ്ഞു. സഖ്യം തെരഞ്ഞെടുപ്പില്‍ മാത്രം ഒതുങ്ങരുതെന്നും സഹകരണത്തിന് പൊതുമിനിമം പരിപാടി വേണമെന്നും സുധാകര്‍ റെഡ്ഡി വ്യക്തമാക്കി.

കോണ്‍ഗ്രസ് സഹകരണത്തിന് യെച്ചൂരിയുടെ പരോക്ഷ ആഹ്വാനം; മതേതര ശക്തികളുടെ സഹകരണവും ആവശ്യമെന്ന് യെച്ചൂരി (വീഡിയോ)

കോണ്‍ഗ്രസ് സഹകരണത്തിന് സിപിഐഎം ജനറല്‍ സെക്രട്ടറി സീതാറാം യെച്ചൂരിയുടെ പരോക്ഷ ആഹ്വാനം. ജനാധിപത്യ ശക്തികള്‍ ഒന്നിക്കണമെന്നും പാര്‍ട്ടി കോണ്‍ഗ്രസ് അതിന് വേദിയാകണമെന്നും യെച്ചൂരി പറഞ്ഞു. ഇടതുപക്ഷ പാര്‍ട്ടികള്‍ കരുത്താര്‍ജിക്കണം. ഇതിനായി മതേതര ശക്തികളുടെ സഹകരണവും ആവശ്യമാണ്. മോദി സര്‍ക്കാരിന് നയപരമായ ബദലാകാന്‍ സിപിഐഎമ്മിന് കഴിയുമെന്നും യെച്ചൂരി പറഞ്ഞു. സിപിഐഎമ്മിന്റെ ഇരുപത്തിരണ്ടാം പാര്‍ട്ടി കോണ്‍ഗ്രസ് ഉദ്ഘാടനം ചെയ്തു സംസാരിക്കുകയായിരുന്നു യെച്ചൂരി.

‘റാം’ അംബേദ്കറിന്റെ പേരിന്റെ ഭാഗം; രാഷ്ട്രീയ വിവാദങ്ങള്‍ക്കില്ലെന്ന് റാം നായിക്

ലക്‌നൗ: റാം എന്ന വാക്ക് ബി.ആര്‍.അംബേദ്കറിന്റെ പേരിന്റെ ഭാഗമാണെന്നും അതുകൊണ്ടാണ് പരിഷ്‌കാരം നിര്‍ദേശിച്ചതെന്നും ഉത്തര്‍പ്രദേശ് ഗവര്‍ണര്‍ റാം നായിക്. രാഷ്ട്രീയത്തില്‍ വിവാദമുണ്ടാക്കുന്നതാണു ചിലരുടെയെല്ലാം രീതിയെന്നും സുഖ്പുരയില്‍ പരിപാടിയില്‍ പങ്കെടുക്കവെ അദ്ദേഹം പറഞ്ഞു. യുപി സര്‍ക്കാര്‍ ഗവര്‍ണറുടെ നിര്‍ദേശപ്രകാരം ഭീംറാവു അംബേദ്കര്‍ എന്ന പേരിനെ ഭീം റാവു റാംജി അംബേദ്കര്‍ എന്നു മാറ്റിയിരുന്നു. സംസ്ഥാന നിയമസഭയില്‍ പാസാക്കിയ പ്രമേയത്തിലൂടെയായിരുന്നു പേരുമാറ്റം. എന്നാല്‍ ഇതിനെ എതിര്‍ത്ത് അംബേദ്കറുടെ ചെറുമക്കളും വിവിധ രാഷ്ട്രീയ കക്ഷികളും രംഗത്തെത്തിയിരുന്നു. ‘യുപിയില്‍ അംബേദ്കറിന്റെ പേരു ശരിയായ […]

ഡല്‍ഹി സര്‍ക്കാരിന്റെ ഉപദേഷ്ടാക്കളെ കേന്ദ്രം പുറത്താക്കി; ശ്രദ്ധ തിരിക്കാനുള്ള ശ്രമമെന്ന് എഎപി

ന്യൂഡല്‍ഹി: ഡല്‍ഹിയില്‍ ആം ആദ്മി മന്ത്രിസഭയില്‍ ഉപദേഷ്ടാക്കളായി പ്രവര്‍ത്തിച്ചിരുന്ന ഒന്‍പതു പേരെ കേന്ദ്ര ആഭ്യന്തര മന്ത്രാലയം പുറത്താക്കി. ചട്ടങ്ങള്‍ പാലിക്കാതെയാണു നിയമനമെന്നു ചൂണ്ടിക്കാട്ടിയാണു നടപടി. ഇത്തരം നിയമനങ്ങള്‍ക്കു ധനവകുപ്പിന്റെ അനുമതി ആവശ്യമാണെന്നിരിക്കെ, അതു ലഭിച്ചിട്ടില്ലെന്നു കേന്ദ്രം ചൂണ്ടിക്കാട്ടി. ഇവരെ പുറത്താക്കിയ നടപടിക്കു ഡല്‍ഹി ലഫ്.ഗവര്‍ണര്‍ അനില്‍ ബൈജാല്‍ അംഗീകാരം നല്‍കി. ഇരട്ടപ്പദവി വിവാദത്തില്‍ 20 എംഎല്‍എമാരെ അയോഗ്യരാക്കിയതു ഡല്‍ഹി ഹൈക്കോടതി റദ്ദാക്കിയതിനു പിന്നാലെയാണു നീക്കം. ധനമന്ത്രിയുടെ ഉപദേഷ്ടാവ് രാഘവ് ചന്ദ, ഉപമുഖ്യമന്ത്രിയുടെ മാധ്യമ ഉപദേഷ്ടാവ് അരുണോദയ് പ്രകാശ്, […]

നോട്ട് ക്ഷാമത്തിന് കാരണം പ്രധാനമന്ത്രി; പരിഹസിച്ച് രാഹുല്‍ ഗാന്ധി (വീഡിയോ)

നോട്ട് ക്ഷാമത്തില്‍ കേന്ദ്രസര്‍ക്കാരിനെതിരെ പരിഹാസവുമായി കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി. പ്രധാനമന്ത്രി നരേന്ദ്രമോദി ജനങ്ങള്‍ക്ക് വാഗ്ദാനം നല്‍കിയത് നല്ല ദിനങ്ങള്‍, എന്നാല്‍ ജനങ്ങള്‍ ഇപ്പോഴും ക്യൂവില്‍ തുടരുകയാണ്. നോട്ട് ക്ഷാമത്തിന് കാരണം നരേന്ദ്ര മോദിയാണ്. സാധാരണക്കാരന്റെ പോക്കറ്റില്‍ നിന്ന് മോദി 500, 1000 നോട്ടുകള്‍ തട്ടിയെടുത്തു. ഇവ നീരവ് മോദിയുടെ പോക്കറ്റില്‍ ഇട്ട് കൊടുത്തുവെന്നും രാഹുല്‍ ഗാന്ധി ആരോപിച്ചു.

കത്വ കേസ്: പ്രതികളെ പിന്തുണച്ച മുന്‍ മന്ത്രിക്ക് സ്വീകരണം; ജമ്മുവില്‍ റോഡ് ഷോ നടത്തി

കത്വ കേസില്‍ പതികളെ പിന്തുണച്ച മുന്‍ മന്ത്രിക്ക് സ്വീകരണം. രാജി വെച്ച ചൗധരി ലാല്‍ സിംഗ് ജമ്മുവില്‍ റോഡ് ഷോ നടത്തുകയാണ്. എട്ടുവയസുകാരിയെ ക്രൂരമായി പീഡിപ്പിച്ചതിന് ശേഷം കൊലപ്പെടുത്തിയ സംഭവത്തില്‍ അറസ്റ്റിലായ പ്രതികളെ പിന്തുണച്ച് ബി.ജെ.പി മന്ത്രിമാര്‍ പങ്കെടുത്തത് വന്‍ വിവാദമായിരുന്നു. രാജ്യത്തൊട്ടാകെ ഇതിനെതിരെ പ്രതിഷേധം ശക്തമായ സാഹചര്യത്തിലാണ് വ്യവസായ മന്ത്രി ചന്ദര്‍ പ്രകാശ് ഗംഗയും വനം മന്ത്രി ചൗധരി ലാല്‍ സിംഗും രാജിവച്ചത്.

Page 1 of 1081 2 3 4 5 6 108