ടിആര്‍എസ് നേതാവും എംപിയുമായ വിശ്വേശ്വര്‍ റെഡ്ഡി പാര്‍ട്ടി വിട്ടു; കോണ്‍ഗ്രസിനൊപ്പം ചേരുമെന്ന് സൂചന

Web Desk

ഹൈദരാബാദ്: തെലങ്കാന രാഷ്ട്രസമിതി (ടിആര്‍എസ്) നേതാവും എംപിയുമായ വിശ്വേശ്വര്‍ റെഡ്ഡി പാര്‍ട്ടി വിട്ടു. വിശ്വേശ്വരയ്യ കോണ്‍ഗ്രസിനൊപ്പം ചേരുമെന്നാണ് സൂചന. നിയമസഭാ തെരഞ്ഞടുപ്പിന് ദിവസങ്ങള്‍ മാത്രം ശേഷിക്കെ വിശ്വേശ്വരയ്യയുടെ പാര്‍ട്ടി വിടാനുള്ള തീരുമാനം ടിആര്‍എസിന് കനത്ത തിരിച്ചടിയായിരിക്കുകയാണ്. പാര്‍ട്ടിയും സര്‍ക്കാരും ജനങ്ങളില്‍ നിന്ന് അകന്നതിലുള്ള പ്രതിഷേധമാണ് രാജിക്ക് പിന്നിലെന്ന് പാര്‍ട്ടി നേതാവ് കെ.ചന്ദ്രശേഖര്‍ റാവുവിനയച്ച കത്തില്‍ വിശ്വേശ്വരയ്യ പറഞ്ഞു.ചെവ്വല്ല മണ്ഡലത്തില്‍ നിന്നുള്ള എംപിയാണ് വിശ്വേശ്വര്‍ റെഡ്ഡി. തെലങ്കാനയിലെ ഏറ്റവും സമ്പന്നരായ രാഷട്രീനേതാക്കളിലൊരാളാണ് വിശ്വേശ്വരയ്യ. കഴിഞ്ഞ ഏതാനും ആഴ്ച്ചകളായി വിശ്വേശ്വരയ്യ […]

ബിജെപിയുടെ സ്ഥാപക നേതാവ് ജസ്വന്ത് സിങ്ങിന്റെ മകന്‍ കോണ്‍ഗ്രസില്‍ ചേര്‍ന്നു

ന്യൂഡല്‍ഹി: ബിജെപിയുടെ സ്ഥാപക നേതാവും മുന്‍ കേന്ദ്രമന്ത്രിയുമായ ജസ്വന്ത് സിങ്ങിന്റെ മകന്‍ മാനവേന്ദ്ര സിങ് കോണ്‍ഗ്രസില്‍ ചേര്‍ന്നു. ബുധനാഴ്ച കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയുമായി കൂടിക്കാഴ്ച നടത്തിയശേഷമാണ് മാനവേന്ദ്ര സിങ്ങിനൊപ്പം ഭാര്യ ചിത്ര സിങ്, ഇളയ സഹോദരന്‍ ഭൂപേന്ദ്ര സിങ് എന്നിവരും കോണ്‍ഗ്രസില്‍ ചേര്‍ന്നത്. ബിജെപി വിടുന്നതായി കഴിഞ്ഞമാസം മാനവേന്ദ്ര സിങ് പ്രഖ്യാപിച്ചിരുന്നു. വാജ്‌പേയിക്കും അദ്വാനിക്കുമൊപ്പം ബിജെപി കെട്ടിപ്പടുക്കുന്നതില്‍ നിര്‍ണായക പങ്ക് വഹിച്ച നേതാവാണ് ജസ്വന്ത് സിങ്. വിദേശകാര്യം, ധനം, പ്രതിരോധം തുടങ്ങിയ സുപ്രധാന വകുപ്പുകള്‍ വാജ്‌പേയി […]

തെലങ്കാന നിയമസഭ പിരിച്ചുവിട്ട് തെരഞ്ഞെടുപ്പ് നടത്തണോ എന്ന കാര്യത്തില്‍ തീരുമാനം ഇന്നറിയാം; നിര്‍ണായക മന്ത്രിസഭാ യോഗം ചേരും

ഹൈദരാബാദ്: തെലങ്കാന നിയമസഭ പിരിച്ചുവിട്ട് തെരഞ്ഞെടുപ്പ് നടത്തണോ എന്ന കാര്യത്തില്‍ മുഖ്യമന്ത്രി കെ.ചന്ദ്രശേഖര റാവു ഇന്ന് തീരുമാനമെടുക്കും. നിര്‍ണായകമായ മന്ത്രിസഭാ യോഗത്തില്‍ ഇതു സംബന്ധിച്ചു തീരുമാനമുണ്ടായേക്കും. അഞ്ച് ദിവസത്തിനിടെ രണ്ടാം തവണയാണ് മന്ത്രിസഭാ ചേരുന്നത്. രണ്ടു സാധ്യതകളാണ് മുഖ്യമന്ത്രിക്ക് മുന്നിലുള്ളത്. ഒന്നുകില്‍ മന്ത്രിസഭാ യോഗത്തില്‍ നിയമസഭ പിരിച്ചുവിടുക, അല്ലെങ്കില്‍ നിയമസഭ വിളിച്ചുകൂട്ടി പിരിച്ചുവിടുന്ന കാര്യത്തില്‍ തീരുമാനം പ്രഖ്യാപിക്കുക. രണ്ടാമത്തെ സാധ്യതയ്ക്കു കൂടുതല്‍ സമയമെടുക്കും. സെപ്റ്റംബര്‍ 22നു മുമ്പ് സഭ പിരിച്ചുവിട്ടാല്‍ മാത്രമേ ഡിസംബറില്‍ സംസ്ഥാനത്തു തെരഞ്ഞെടുപ്പ് നടത്താന്‍ […]

മോദിയുടെ നോട്ട് നിരോധന സമയത്ത് ഏറ്റവുമധികം പഴയ നോട്ടുകള്‍ നിക്ഷേപിക്കപ്പെട്ടത് അമിത് ഷായുടെ ബാങ്കില്‍; മാറ്റിയെടുത്തത് 745 കോടി രൂപ

അഹമ്മദാബാദ്: നോട്ടുനിരോധന കാലത്ത് ഏറ്റവും അധികം നിരോധിത നോട്ടുകള്‍ മാറ്റിയെടുത്ത സഹകരണ ബാങ്കുകളില്‍ മുന്നില്‍ ബിജെപി അധ്യക്ഷന്‍ അമിത് ഷാ ഡയറക്ടറായ അഹമ്മദാബാദ് ഡിസ്ട്രിക്ട് കോപ്പറേറ്റീവ് ബാങ്കാണെന്ന നിര്‍ണായക വിവരം പുറത്ത്. വിവരാവകാശ നിയമപ്രകാരം സമര്‍പ്പിച്ച ചോദ്യത്തിന് മറുപടിയായിട്ടാണ് അമിത് ഷായെയും ബിജെപിയെയും പ്രതികൂട്ടിലാക്കുന്ന വിവരം പുറത്തു വന്നിരിക്കുന്നത്. പ്രധാനമന്ത്രി നരേന്ദ്ര മോദി നോട്ടുനിരോധനം പ്രഖ്യാപിച്ച് അഞ്ച് ദിവസത്തിനകം 745.59 കോടി രൂപയാണ് അഹമ്മദാബാദ് ജില്ലാ സഹകരണ ബാങ്കില്‍ നിക്ഷേപിക്കപ്പെട്ടത്. അമിത് ഷാ ഡയറക്ടറായ ബാങ്കില്‍ നിക്ഷേപം […]

കമല്‍ഹാസന്‍ രാഹുല്‍ ഗാന്ധിയുമായി കൂടിക്കാഴ്ച്ച നടത്തി

ന്യൂഡല്‍ഹി: മക്കള്‍ നീതി മയ്യം നേതാവും നടനുമായ കമല്‍ഹാസന്‍ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയുമായി കൂടിക്കാഴ്ച്ച നടത്തി. രാഹുലിന്റെ വസതിയില്‍ വച്ചായിരുന്നു കൂടിക്കാഴ്ച്ച. തമിഴ്നാട്ടിലെ സ്ഥിതിഗതികളെക്കുറിച്ചും രാഷ്ട്രീയസാഹചര്യങ്ങളെക്കുറിച്ചും ഇരുവരും തമ്മില്‍ സംസാരിച്ചതായാണ് വിവരം. സൗഹൃദം പുതുക്കല്‍ മാത്രമായിരുന്നു കൂടിക്കാഴ്ച്ചയുടെ ലക്ഷ്യമെന്ന് പിന്നീട് കമല്‍ഹാസന്‍ പറഞ്ഞു. പ്രിയങ്ക വദ്രയുമായും കമല്‍ഹാസന്‍ സംസാരിച്ചു. #Delhi: Makkal Needhi Maiam founder Kamal Hassan met Congress President Rahul Gandhi, says, "It was a formal courtesy meeting. […]

മോദിയെ വിശ്വസിച്ചാണ് ബിജെപിയുമായി സഖ്യമുണ്ടാക്കിയത്; കശ്മീരില്‍ സമാധാനം ഉണ്ടാകുമെന്ന് പ്രതീക്ഷിച്ചു; ബലപ്രയോഗ നയം വിലപ്പോകില്ല: മെഹ്ബൂബ മുഫ്തി (വീഡിയോ)

ശ്രീനഗര്‍:ബിജെപിക്കും കേന്ദ്രസര്‍ക്കാരിനുമെതിരെ രൂക്ഷവിമര്‍ശവുമായി രാജിവച്ചൊഴിഞ്ഞ കശ്മീര്‍ മുഖ്യമന്ത്രിയും പിഡിപി നേതാവുമായ മെഹ്ബൂബ മുഫ്തി. ബിജെപിയുമായി സഖ്യമുണ്ടാക്കിയത് കശ്മീരില്‍ സമാധാനം ഉണ്ടാകുമെന്ന് പ്രതീക്ഷിച്ചാണെന്ന് കശ്മീര്‍ മുന്‍ മുഖ്യമന്ത്രി മെഹ്ബൂബ മുഫ്തി പറഞ്ഞു. മോദിയെ വിശ്വസിച്ചാണ് ബിജെപിയുമായി സഖ്യമുണ്ടാക്കാന്‍ തയാറായത്. കേന്ദ്രസഹായം സംസ്ഥാനത്തിന് കിട്ടുമെന്ന് പ്രതീക്ഷിച്ചു. ബിജെപിയുമായി സഹകരിക്കാന്‍ പരമാവധി ശ്രമിച്ചു. എന്നാല്‍ തങ്ങളുടെ നയവുമായി ചേര്‍ന്നുപോകാന്‍ ബിജെപിക്ക് ആയില്ലെന്ന് മെഹ്ബൂബ പറഞ്ഞു. അടിച്ചമര്‍ത്തല്‍ നയം സംസ്ഥാനത്ത് ഫലപ്രദമാവില്ല. കശ്മീരിനെ അടിച്ചൊതുക്കാനുള്ള ബിജെപി ശ്രമങ്ങളെ ചെറുത്തുനില്‍ക്കുമെന്നും മെഹ്ബൂബ പറഞ്ഞു. ഒരു പാര്‍ട്ടിയുമായും […]

എഎപി ധര്‍ണ: കേജ്‌രിവാളിന്റെ ഓഫീസിന് മുന്നില്‍ പ്രതിഷേധവുമായി ബിജെപി

ന്യൂഡല്‍ഹി: ലഫ്റ്റനന്റ് ഗവര്‍ണര്‍ അനില്‍ ബൈജാലിന്റെ വസതിക്ക് മുന്നില്‍ ധര്‍ണ തുടരുന്ന ഡല്‍ഹി മുഖ്യമന്ത്രി അരവിന്ദ് കേജ്‌രിവാളിന്റെ ഓഫീസ് ബിജെപി പ്രവര്‍ത്തകര്‍ ഉപരോധിച്ചു. ബിജെപി നേതാക്കളുടെയും എഎപി വിമത എംഎല്‍എ കപില്‍ മിശ്രയുടെയും നേതൃത്വത്തില്‍ ഡല്‍ഹി സര്‍ക്കാര്‍ നിഷ്‌ക്രിയമാണെന്ന് ആരോപിച്ചായിരുന്നു ഉപരോധം. സംസ്ഥാനത്ത് ജലവിതരണം കാര്യക്ഷമമാക്കാന്‍ സര്‍ക്കാര്‍ നടപടി സ്വീകരിക്കണമെന്നത് ഉള്‍പ്പെടെയുള്ള ആവശ്യങ്ങള്‍ സര്‍ക്കാര്‍ അംഗീകരിച്ചാല്‍ മാത്രമേ സമരം അവസാനിപ്പിക്കൂവെന്ന് പ്രതിപക്ഷ നേതാവ് വിജേന്ദര്‍ ഗുപ്ത, മജീന്ദര്‍ സിങ് സിര്‍സ എംഎല്‍എ എന്നിവര്‍ പറഞ്ഞു. സര്‍ക്കാരിന്റെ നിഷ്‌ക്രിയത്വത്തിന് […]

ബിജെപിക്കു വേണ്ടി പ്രചാരണം നടത്താമെന്ന് കെജ്‌രിവാള്‍

ന്യൂഡല്‍ഹി: 2019ലെ തിരഞ്ഞെടുപ്പില്‍ ബിജെപിക്കായി പ്രചാരണം നടത്താമെന്ന വാഗ്ദാനവുമായി ഡല്‍ഹി മുഖ്യമന്ത്രി അരവിന്ദ് കെജ്‌രിവാള്‍. ഡല്‍ഹിക്കു കേന്ദ്ര സര്‍ക്കാര്‍ പൂര്‍ണ സംസ്ഥാന പദവി അനുവദിച്ചാല്‍ മാത്രമാണു കെജ്‌രിവാള്‍ ഈ വാഗ്ദാനം നടപ്പാക്കുകയുള്ളൂ. നിയമസഭയില്‍ ഡല്‍ഹിക്കു പൂര്‍ണ സംസ്ഥാന പദവി വേണമെന്ന പ്രമേയം പാസാക്കി സംസാരിക്കുകയായിരുന്നു അദ്ദേഹം. ‘ഡല്‍ഹിക്ക് 2019ലെ പൊതുതിരഞ്ഞെടുപ്പിനു മുമ്പു പൂര്‍ണ സംസ്ഥാന പദവി നല്‍കിയാല്‍ 2019ല്‍ ഡല്‍ഹിക്കാരുടെ ഓരോ വോട്ടും ബിജെപിക്ക് അനുകൂലമാകും. ബിജെപിക്കു വേണ്ടി ആം ആദ്മി പ്രചാരണത്തിന് ഇറങ്ങും. പക്ഷേ മറിച്ചായാല്‍, […]

പ്രണബ് മുഖര്‍ജിയെ പ്രധാനമന്ത്രി സ്ഥാനാര്‍ഥിയാക്കാനാണ് ആര്‍എസ്എസ് ശ്രമമെന്ന് ശിവസേന

ന്യൂഡല്‍ഹി: മുന്‍ രാഷ്ട്രപതി പ്രണബ് മുഖര്‍ജിയെ അടുത്ത പ്രധാനമന്ത്രി സ്ഥാനാര്‍ഥിയാക്കാനാണ് ആര്‍എസ്എസ് ശ്രമിക്കുന്നതെന്ന പ്രസ്താവനയുമായി ശിവസേന രംഗത്ത്. ബിജെപിക്ക് അടുത്ത പൊതുതിരഞ്ഞെടുപ്പില്‍ 110 സീറ്റ് പോലും ലഭിക്കില്ലെന്ന് ഉറപ്പാണ്. ഈ സാഹചര്യത്തിലാണ് പ്രണബിനെ പാര്‍ട്ടിയോട് അടുപ്പിച്ചുള്ള ആര്‍എസ്എസ് നീക്കമെന്നും ശിവസേന ആരോപിച്ചു. ‘നിലവിലെ സാഹചര്യത്തില്‍ ബിജെപിക്ക് 2014ലേതു പോലെ ഒരു വിജയം അസാധ്യമാണ്. അന്ന് ലഭിച്ച 282ല്‍ 110 സീറ്റ് പോലും അടുത്ത തിരഞ്ഞെടുപ്പില്‍ കിട്ടിയെന്ന് വരില്ല. ഇതു മുന്നില്‍ക്കണ്ടാണ് പ്രണബ് മുഖര്‍ജിയോട് ആര്‍എസ്എസ് അടുക്കുന്നത്. അടുത്ത […]

നിരവധി കോണ്‍ഗ്രസ് ജെഡിഎസ് എംഎല്‍എമാര്‍ ബിജെപിയില്‍ ചേരാന്‍ കാത്തിരിക്കുന്നു:യെദിയൂരപ്പ

ബംഗളൂരു: അസംതൃപ്തരായ നിരവധി കോണ്‍ഗ്രസ് ജെഡിഎസ് എംഎല്‍എമാര്‍ ബിജെപിയില്‍ ചേരാന്‍ തയ്യാറായി നില്‍ക്കുകയാണെന്ന് ബിജെപി നേതാവ് ബിഎസ് യെദിയൂരപ്പ. മന്ത്രിസഭ രൂപീകരണത്തിന് ശേഷം സ്ഥാനം കിട്ടാത്ത എംഎല്‍എമാര്‍ക്കിടയില്‍ പ്രതിഷേധം നിലനില്‍ക്കുന്നുണ്ടെന്ന റിപ്പോര്‍ട്ടിന് പിന്നാലെയാണ് യെദിയൂരപ്പയുടെ പ്രസ്താവന. ‘അസംതൃപ്തരായ നിരവധി കോണ്‍ഗ്രസ് എംഎല്‍എമാരാണ് ബിജെപിയില്‍ ചേരാന്‍ കാത്തിരിക്കുന്നത്’, പാര്‍ട്ടി പ്രവര്‍ത്തകരെ അഭിസംബോധന ചെയ്ത് സംസാരിക്കവെ കര്‍ണാടക ബിജെപി അദ്ധ്യക്ഷന്‍ യെദിയൂരപ്പ പറഞ്ഞു. ‘കോണ്‍ഗ്രസിലും ജെഡിഎസിലും മടുത്ത് ബിജെപിയില്‍ ചേരാനിരിക്കുന്ന എംഎല്‍എമാരെ സ്വീകരിക്കേണ്ടത് നമ്മുടെ കടമയാണ്. ഇപ്രകാരം എല്ലാ മണ്ഡലത്തിലും […]

Page 1 of 1221 2 3 4 5 6 122