പൊലീസ് രാജ് കാരണം ശബരിമലയില്‍ ഭക്തരുടെ വരവ് കുറഞ്ഞുവെന്ന് പി.സി.ജോര്‍ജ്; വിമാനത്താവളത്തില്‍ നടക്കുന്നത് ഭക്തരുടെ പ്രതിഷേധമാണെന്ന് ശ്രീധരന്‍ പിള്ള; തൃപ്തി ദേശായിയെ സര്‍ക്കാര്‍ മടക്കി അയയ്ക്കണമെന്ന് കെ.സുധാകരന്‍

Web Desk

കോട്ടയം: ശബരിമലയില്‍ പൊലീസ് രാജെന്ന് പി.സി.ജോര്‍ജ് എംഎല്‍എ. പൊലീസ് രാജ് കാരണം ഭക്തരുടെ വരവ് കുറഞ്ഞുവെന്നും പി.സി.ജോര്‍ജ് പറഞ്ഞു. തൃപ്തി ദേശായിയെ തിരിച്ചയക്കണമെന്ന് ബിജെപി സംസ്ഥാന അധ്യക്ഷന്‍ പി.എസ്.ശ്രീധരന്‍ പിള്ള പറഞ്ഞു. വിമാനത്താവളത്തില്‍ നടക്കുന്നത് ഭക്തരുടെ പ്രതിഷേധമാണ്. തൃപ്തി ദേശായിയെ സര്‍ക്കാര്‍ മടക്കി അയയ്ക്കണമെന്ന് കോണ്‍ഗ്രസ് നേതാവ് കെ.സുധാകരന്‍ പറഞ്ഞു. ഭക്തരായ സ്ത്രീകളാണു പ്രതിഷേധിക്കുന്നത്. യുവതികളെ കോണ്‍ഗ്രസുകാര്‍ തടയണമെന്ന് പറഞ്ഞിട്ടില്ലെന്നും സുധാകരന്‍ പറഞ്ഞു.

സര്‍വകക്ഷിയോഗം വിളിച്ച് സര്‍ക്കാര്‍ വെറുതെ സമയം കളഞ്ഞുവെന്ന് പി.എസ്.ശ്രീധരന്‍ പിള്ള; പ്രതിഷേധവുമായി ബിജെപി മുന്നോട്ട് പോകും

തിരുവനന്തപുരം: ശബരിമല വിഷയം ചര്‍ച്ച ചെയ്യാന്‍ സര്‍ക്കാര്‍ വിളിച്ച സര്‍വകക്ഷിയോഗം പ്രഹസനമായിരുന്നെന്ന് ബിജെപി സംസ്ഥാന അധ്യക്ഷന്‍ പി.എസ്.ശ്രീധരന്‍ പിള്ള. സര്‍ക്കാര്‍ വെറുതെ സമയം കളഞ്ഞു. പ്രതിഷേധവുമായി ബിജെപി മുന്നോട്ട് പോകും. വിശ്വാസികളെ തല്ലിച്ചതയ്ക്കാനാണ് സര്‍ക്കാര്‍ തീരുമാനമെന്നും ശ്രീധരന്‍ പിള്ള വിമര്‍ശിച്ചു. വീഡിയോ കാണാന്‍ വീഡിയോ മെനുവില്‍ പോകുക.

ബന്ധു നിയമന വിവാദത്തില്‍ ആരോപണങ്ങള്‍ നിയമസഭയില്‍ ചര്‍ച്ച ചെയ്യാം എന്ന് സ്പീക്കര്‍; കൂടുതല്‍ തെളിവുകള്‍ ഉണ്ടെങ്കില്‍ പ്രതിപക്ഷം അത് പുറത്തുകൊണ്ടുവരട്ടെ

തിരുവനന്തപുരം: ബന്ധു നിയമന വിവാദത്തില്‍ ആരോപണങ്ങള്‍ നിയമസഭയില്‍ ചര്‍ച്ച ചെയ്യാം എന്ന് സ്പീക്കര്‍ പി.ശ്രീരാമകൃഷ്ണന്‍. കൂടുതല്‍ എന്തെങ്കിലും തെളിവുകള്‍ ഉണ്ടെങ്കില്‍ പ്രതിപക്ഷം അത് പുറത്തു കൊണ്ട് വരട്ടെ. സര്‍ക്കാര്‍ ആവശ്യത്തിനുള്ള വിശദീകരണം നല്‍കിയിട്ടുണ്ടെന്നും ശ്രീരാമകൃഷ്ണന്‍ വ്യക്തമാക്കി. പൊലീസ് ഉദ്യോഗസ്ഥയുടെ പ്രായം പരിശോധിച്ചു എന്ന വത്സന്‍ തില്ലങ്കേരിയുടെ വെളിപ്പെടുത്തല്‍ നിയമത്തിന്റെ വഴിക്ക് നടക്കട്ടെയെന്നും സ്പീക്കര്‍ പറഞ്ഞു. ഭരണഘടനയെ അനുസരിക്കാന്‍ എല്ലാവര്‍ക്കും ഉത്തരവാദിത്തം ഉണ്ടെന്നും അദ്ദേഹം പറഞ്ഞു.

പകല്‍ കമ്മ്യൂണിസം പ്രസംഗിക്കുകയും രാത്രി ബിജെപി നേതാക്കളുമായി ചര്‍ച്ച നടത്തുകയുമാണ് മുഖ്യമന്ത്രി ചെയ്യുന്നതെന്ന് കെ. മുരളീധരന്‍; ശബരിമല തീര്‍ഥാടനത്തിന് പൊലീസ് പാസ് വേണമെന്ന നിര്‍ദേശം അംഗീകരിക്കാനാകില്ലെന്ന് ചെന്നിത്തല

തിരുവനന്തപുരം: പകല്‍ കമ്മ്യൂണിസം പ്രസംഗിക്കുകയും രാത്രി ബിജെപി നേതാക്കളുമായി ചര്‍ച്ച നടത്തുകയുമാണ് മുഖ്യമന്ത്രി ചെയ്യുന്നതെന്ന് കെ. മുരളീധരന്‍. വല്‍സന്‍ തില്ലങ്കേരിയെ നിയന്ത്രിക്കാന്‍ കഴിയാത്ത മുഖ്യമന്ത്രിയാണ് ന്യൂനപക്ഷങ്ങളെ സംരക്ഷിക്കുമെന്ന് പ്രഖ്യാപിക്കുന്നതെന്നും മുരളീധരന്‍ പറഞ്ഞു. ശബരിമലയില്‍ വിശ്വാസം സംരക്ഷിക്കുക, വര്‍ഗീയതയെ തുരത്തുക എന്നീ മുദ്രാവാക്യം ഉയര്‍ത്തി പത്തനംതിട്ടയിലേക്ക് നടത്തുന്ന മുരളീധരന്റെ പദയാത്രയ്ക്ക് തിരുവനന്തപുരത്ത് തുടക്കമായി. പാളയം രക്തസാക്ഷി മണ്ഡപത്തില്‍ പ്രതിപക്ഷ നേതാവ് രമേശ് ചെന്നിത്തലയാണ് ഉദ്ഘാടനം ചെയ്തത്. ശബരിമല തീര്‍ഥാടനത്തിന് പൊലീസ് പാസ് വേണമെന്ന നിര്‍ദേശം അംഗീകരിക്കാനാകില്ലെന്നും ബിജെപിയെ ശക്തിപ്പെടുത്താനാണ് […]

നികേഷ് കുമാറിന്റെ വൃത്തികെട്ട മനസില്‍ നിന്നാണ് ഈ കേസ് ഉണ്ടായത്; വര്‍ഗീയ വാദം നടത്തിയെന്ന പരാമര്‍ശം ഏറ്റവും വലിയ അപമാനം; 20 ശതമാനം മാത്രം മുസ്ലീം വോട്ടര്‍മാരുള്ള മണ്ഡലത്തില്‍ എങ്ങനെ വര്‍ഗീയ പ്രചരണം നടത്തി വിജയിക്കുമെന്നും കെ.എം.ഷാജി; ഹൈക്കോടതി വിധിക്കെതിരെ സുപ്രീംകോടതിയെ സമീപിക്കും

തൃശ്ശൂർ: അഴീക്കോട് എംഎൽഎ സ്ഥാനത്ത് നിന്നും തന്നെ അയോഗ്യനാക്കിയ ഹൈക്കോടതി വിധിക്കെതിരെ സുപ്രീംകോടതിയെ സമീപിക്കുമെന്ന് കെ.എം.ഷാജി. എൽഡിഎഫ് സ്ഥാനാർത്ഥിയായിരുന്ന എംവി നികേഷ് കുമാറിന്റെ വൃത്തികെട്ട മനസില്‍ നിന്ന് ഉണ്ടായതാണ് തനിക്കെതിരായ കേസ്. കോടതി ആറ് വർഷമല്ല അറുപത് വർഷത്തേക്ക് അയോഗ്യത കൽപ്പിച്ചാലും അത് തന്നെ വലിയ രീതിയിൽ ബാധിക്കുമായിരുന്നില്ലെന്നും എന്നാൽ വർഗീയ വാദം നടത്തി എന്ന പരാമർശം തന്നെ സംബന്ധിച്ച് ഏറ്റവും വലിയ അപമാനമാണെന്നും കെ.എം ഷാജി തൃശൂരില്‍ പറഞ്ഞു. വിലക്കും അയോഗ്യതയും എന്നെ സംബന്ധിച്ച് വിഷയമല്ല. […]

കെ.എം.ഷാജിയെ അയോഗ്യനാക്കിയ വിധിക്കെതിരെ സുപ്രീംകോടതിയെ സമീപിക്കുമെന്ന് മുസ്ലീംലീഗ്; കെ.എം.ഷാജിക്കെതിരായ വിധി വസ്തുതാപരമല്ലെന്ന് ചെന്നിത്തല; ലീഗിലെ ഒരു വിഭാഗത്തിന്റെ മതതീവ്രവാദം പുറത്തുവന്നതായി പി.ജയരാജന്‍ (വീഡിയോ)

തിരുവനന്തപുരം: അഴീക്കോട് എംഎല്‍എ കെ.എം.ഷാജിയെ അയോഗ്യനാക്കിയ ഹൈക്കോടതി വിധിക്കെതിരെ സുപ്രീംകോടതിയെ സമീപിക്കുമെന്ന് മുസ്ലീംലീഗ്. കെ.എം.ഷാജിക്കെതിരായ വിധി വസ്തുതാപരമല്ലെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ു. ഷാജി വര്‍ഗീയവാദിയല്ലെന്ന് എല്ലാവര്‍ക്കുമറിയാമെന്നും ചെന്നിത്തല പറഞ്ഞു. വിധിയെ സ്വാഗതം ചെയ്യുന്നതായി പി.ജയരാജന്‍ പറഞ്ഞു. ലീഗിലെ ഒരു വിഭാഗത്തിന്റെ മതതീവ്രവാദം പുറത്തുവന്നതായും ജയരാജന്‍ പ്രതികരിച്ചു. ഹീനമായ മാര്‍ഗത്തിലൂടെ എംഎല്‍എയായ കെ. എം ഷാജി കേരളത്തോട് മാപ്പ് പറയണമെന്ന് എം.സ്വരാജ് എം.എല്‍.എ ആവശ്യപ്പെട്ടു. വീഡിയോ കാണാന്‍ വീഡിയോ മെനുവില്‍ പോകുക

കെ.ടി. ജലീല്‍ മന്ത്രിസ്ഥാനം രാജിവെക്കണമെന്ന് രമേശ് ചെന്നിത്തല; നിയമനത്തില്‍ മന്ത്രിയുടെ ഇടപെടല്‍ തെളിഞ്ഞുവെന്നും പ്രതിപക്ഷ നേതാവ്

തിരുവനന്തപുരം: ബന്ധുനിയമന വിവാദത്തില്‍പ്പെട്ട കെ.ടി. ജലീല്‍ മന്ത്രിസ്ഥാനം രാജിവെക്കണമെന്ന് പ്രതിപക്ഷ നേതാവ് രമേശ് ചെന്നിത്തല. യോഗ്യത ഇളവ് വരുത്തിയത് കോര്‍പ്പറേഷനല്ലെന്ന് വ്യക്തമായി. നിയമനത്തില്‍ മന്ത്രിയുടെ ഇടപെടല്‍ തെളിഞ്ഞുവെന്നും അദ്ദേഹം പറഞ്ഞു. സ്വജനപക്ഷപാതവും അഴിമതിയും കൈയോടെ പിടിക്കപ്പെട്ടുവെന്നും അദ്ദേഹം പറഞ്ഞു. ജലീലിനെ രക്ഷിക്കാനാണ് മുഖ്യമന്ത്രിയുടെ ശ്രമമെങ്കില്‍ കനത്ത വില നല്‍കേണ്ടി വരുമെന്നും ചെന്നിത്തല കൂട്ടിച്ചേര്‍ത്തു. യോഗ്യതയില്‍ ഇളവ് വരുത്തിയാണ് ജലീല്‍ പിതൃസഹോദര പുത്രനെ സംസ്ഥാന ന്യൂനപക്ഷ ധനകാര്യ കോര്‍പ്പറേഷന്‍ ജനറല്‍ മാനേജരായി നിയമിച്ചതെന്നാണ് ആരോപണം.

ബന്ധുനിയമന വിവാദത്തില്‍ നിലപാടിലുറച്ച് കെ.ടി.ജലീല്‍; അദീബിന്റെ നിയമനത്തില്‍ വീഴ്ചകള്‍ ഉണ്ടായിട്ടില്ലെന്ന് മന്ത്രി; കെ.എം.ഷാജിയുടെ ആരോപണം അടിസ്ഥാനരഹിതം

കണ്ണൂര്‍: ബന്ധു നിയമന വിവാദത്തില്‍ അഴിമതി നടന്നിട്ടില്ലെന്ന് ആവര്‍ത്തിച്ച് മന്ത്രി കെ.ടി.ജലീല്‍. അദീബിന്റെ നിയമനത്തില്‍ വീഴ്ചകള്‍ ഉണ്ടായിട്ടില്ലെന്ന് മന്ത്രി പറഞ്ഞു. ചട്ടങ്ങള്‍ മാറ്റിയത് കൂടുതല്‍ ആളുകള്‍ അപേക്ഷിക്കാനാണ്. അദീബിന്റേത് ഒരു വര്‍ഷത്തേക്കുള്ള താല്‍ക്കാലിക നിയമനം മാത്രമാണ്. സൗത്ത് ഇന്ത്യന്‍ ബാങ്കില്‍ നിന്ന് മുന്‍പും നിയമനം നടന്നിട്ടുണ്ട്. അതുകൊണ്ട് വിജിലന്‍സ് ക്ലിയറന്‍സ് ആവശ്യമില്ല. ഉദ്യോഗസ്ഥനെ തിരിച്ചെടുത്തത് സാധാരണ നടപടിക്രമം മാത്രമാണ്. ആരോപണ വിധേയനായ യുഡി ക്ലര്‍ക്കിനെ തനിക്ക് ഒര്‍മ്മയില്ലെന്നും മന്ത്രി പറഞ്ഞു. നിരവധി ക്രമക്കേടുകള്‍ നടത്തിയതിന് പിരിച്ചുവിട്ട ഉദ്യോഗസ്ഥനെ […]

ശബരിമലയില്‍ ആചാരലംഘനം നടത്തിയിട്ടുണ്ടെങ്കില്‍ വത്സന്‍ തില്ലങ്കേരിയെ 41 ദിവസം ഭജനമിരുത്താന്‍ തയ്യാറാണെന്ന് കെ.സുരേന്ദ്രന്‍

കാസര്‍ഗോഡ്: ശബരിമലയില്‍ ആചാരലംഘനം നടത്തിയിട്ടുണ്ടെങ്കില്‍ വത്സന്‍ തില്ലങ്കേരിയെ 41 ദിവസം ഭജനമിരുത്താന്‍ സംഘപരിവാര്‍ തയ്യാറാണെന്ന് കെ.സുരേന്ദ്രന്‍. തന്ത്രി കല്‍പിക്കുന്ന പ്രായശ്ചിത്തം ചെയ്താല്‍ തീരാവുന്ന കുറ്റമേ വത്സന്‍ തില്ലങ്കേരി ചെയ്തിട്ടുള്ളൂവെന്നും കാസര്‍േഗാഡ് മധൂറില്‍ എന്‍ഡിഎയുടെ നേതൃത്വത്തില്‍ നടത്തുന്ന ശബരിമല സംരക്ഷണ രഥയാത്രയുടെ ഉദ്ഘാടന യോഗത്തില്‍ സുരേന്ദ്രന്‍ പറഞ്ഞു. എന്നാല്‍ ഈശ്വരനാമത്തില്‍ പ്രതിജ്ഞ ചെയ്തു ദേവസ്വം ബോര്‍ഡില്‍ അംഗമായ ശങ്കര്‍ ദാസ് ചെയ്തതു പൊറുക്കാനാവാത്ത തെറ്റാണ്. തങ്ങള്‍ കോടതിയെ സമീപിച്ചാല്‍ ശങ്കര്‍ ദാസ് കുടുങ്ങുമെന്നും സുരേന്ദ്രന്‍ പറഞ്ഞു. ബിജെപി അധ്യക്ഷന്‍ […]

‘ഇരുമുടിക്കെട്ടുമായി പതിനെട്ടാംപടി കയറിയപ്പോള്‍ ബഹളം കേട്ട് തിരിച്ചിറങ്ങി വരികയായിരുന്നു’; ശബരിമലയില്‍ ആചാരലംഘനം നടത്തിയിട്ടില്ലെന്ന് വത്സന്‍ തില്ലങ്കേരി (വീഡിയോ)

സന്നിധാനം: ശബരിമലയില്‍ ആചാരലംഘനം നടത്തിയിട്ടില്ലെന്ന് ആര്‍എസ്എസ് നേതാവ് വത്സന്‍ തില്ലങ്കേരി. ഇരുമുടിക്കെട്ടുമായി പതിനെട്ടാംപടി കയറിയപ്പോള്‍ ബഹളം കേട്ട് തിരിച്ചിറങ്ങി വരികയായിരുന്നു. സിസിടിവി ദൃശ്യങ്ങള്‍ പരിശോധിച്ചാല്‍ ഇത് ബോധ്യപ്പെടുമെന്നും തില്ലങ്കേരി പറഞ്ഞു. ആചാരലംഘനം നടത്തിയെന്ന് തെളിഞ്ഞാല്‍ അയ്യപ്പന് വേണ്ടി മാപ്പ് പറയാനും തയ്യാറാണ്. സമാധാനം ഉറപ്പ് വരുത്താനാണ് പൊലീസിന്റെ മെഗാഫോണിലൂടെ സംസാരിച്ചതെന്നും വത്സന്‍ തില്ലങ്കേരി പറഞ്ഞു. വീഡിയോ കാണാന്‍ വീഡിയോ മെനുവില്‍ പോകുക.

Page 1 of 211 2 3 4 5 6 21