സ്‌കൂള്‍ ബസുകളുടെ സ്റ്റോപ്പ് സൈന്‍ തുറന്നിരിക്കുന്നത് കണ്ടാല്‍ വണ്ടിനിര്‍ത്തുക; ഇല്ലെങ്കില്‍ പിഴയും ബ്ലാക്ക് പോയിന്റും ഉറപ്പ്

Web Desk

അബുദാബി:സ്‌കൂള്‍ ബസുകളുടെ സ്റ്റോപ്പ് സൈന്‍ തുറന്നിരിക്കുന്നത് കണ്ടാല്‍ വണ്ടിനിര്‍ത്തി കാത്ത് നില്‍ക്കുന്നതാണ് നല്ലത്. അല്ലെങ്കില്‍ പിഴയും ബ്ലാക്ക് പോയിന്റും ലഭിക്കുമെന്ന് അബുദാബി പോലീസിന്റെ മുന്നറിയിപ്പ്. കുട്ടികള്‍ക്ക് ആവശ്യമായ സുരക്ഷ നല്‍കാതെ വാഹനമോടിക്കുന്നത് ഏറെ ഗൗരവത്തോടെയാണ് പോലീസ് നോക്കിക്കാണുന്നത്.സ്‌കൂള്‍ ബസുകള്‍ കുട്ടികളെ കയറ്റാനും ഇറക്കാനും നിര്‍ത്തുന്ന സമയങ്ങളില്‍ സ്റ്റോപ്പ് ബോര്‍ഡ് നിര്‍ബന്ധമായും പ്രവര്‍ത്തിപ്പിക്കണം. ഈ സമയത്ത് ബസിനെ മറ്റുവാഹനങ്ങള്‍ മറികടക്കുന്നത് ഗുരുതരമായ ഗതാഗതനിയമ ലംഘനമാണ്. സിംഗിള്‍ ലെയിന്‍ റോഡുകളില്‍ ഇരു വശങ്ങളിലേക്കുമുള്ള വാഹനങ്ങള്‍ ഈ സമയത്ത് നിര്‍ത്തണം. മറ്റു […]

ലോകത്തിലെ ഏറ്റവും വലിയ വെര്‍ച്വല്‍ ബാറ്ററി പ്ലാന്റ് അബുദാബിയില്‍

അബുദാബി:ലോകത്തിലെ ഏറ്റവും വലിയ വെര്‍ച്വല്‍ ബാറ്ററി പ്ലാന്റ് അബുദാബിയില്‍ തുറന്നു. പത്ത് ഇടങ്ങളിലേക്കായി 108 മെഗാവാട്ട് വൈദ്യുതി വിതരണം ചെയ്യാന്‍ ശേഷിയുള്ളതാണിത്. സുസ്ഥിര വാരാചരണത്തോടനുബന്ധിച്ചാണ് പ്ലാന്റ് പ്രവര്‍ത്തനം കുറിച്ചത്. ഊര്‍ജ സംഭരണത്തിനായുള്ള ആദ്യ ഏകീകൃത നിയന്ത്രണ സംവിധാനമാണിത്.വര്‍ധിച്ചുവരുന്ന വൈദ്യുതോര്‍ജ ആവശ്യം നിറവേറ്റാന്‍ സഹായിക്കുന്നതാണ് ഈ സംവിധാനമെന്ന് ഊര്‍ജവകുപ്പ് ചെയര്‍മാന്‍ അവൈദ മുര്‍ഷീദ് അല്‍ മറാര്‍ പറഞ്ഞു. ബാറ്ററികളില്‍ ശേഖരിക്കപ്പെടുന്ന ഊര്‍ജം അത്യാവശ്യഘട്ടങ്ങളില്‍ ആറുമണിക്കൂറോളം വൈദ്യുതി ലഭ്യമാക്കാന്‍ പ്രാപ്തിയുള്ളതാണ്.സുസ്ഥിര ഊര്‍ജരംഗത്ത് നിരവധി കാല്‍വെപ്പുകളാണ് യു.എ.ഇ. നടത്തിക്കൊണ്ടിരിക്കുന്നത്. സൗരോര്‍ജത്തില്‍നിന്ന് വൈദ്യുതിയുണ്ടാക്കുക […]

വീട്ടിലെ സിസിടിവിയില്‍ നിന്ന് ദൃശ്യങ്ങള്‍ ചോര്‍ത്തി; എഞ്ചിനീയര്‍ പിടിയില്‍

ഷാര്‍ജ: ഷാര്‍ജയില്‍ വീട്ടില്‍ സ്ഥാപിച്ചിരുന്ന സിസിടിവിയില്‍ നിന്ന് ഉടമയറിയാതെ ദൃശ്യങ്ങള്‍ ചോര്‍ത്തിയ ആളെ പൊലീസ് അറസ്റ്റ് ചെയ്തു. വീട്ടില്‍ ആളുകളുള്ളപ്പോഴൊക്കെ ഇവരെ ഇയാള്‍ ദൂരെ നിന്ന് വീക്ഷിക്കുകയായിരുന്നെന്ന് ഷാര്‍ജ പൊലീസ് ഡിജിറ്റല്‍ അന്വേഷണ വിഭാഗം കണ്ടെത്തി. മാതാപിതാക്കള്‍ പുറത്തുപോകുന്ന സമയത്ത് കുട്ടികളുടെ സുരക്ഷ ഉറപ്പാക്കാനായിരുന്നു വീട്ടിനുള്ളില്‍ സിസിടിവി ക്യാമറകള്‍ സ്ഥാപിച്ചിരുന്നതെന്ന് വീട്ടുമസ്ഥന്‍ പറഞ്ഞു. ഇടയ്ക്ക് ഒരു ക്യാമറ പ്രവര്‍ത്തന രഹിതമായപ്പോള്‍ ഇത് നന്നാക്കാനായി ഭാര്യയാണ് ഒപ്പം ജോലി ചെയ്യുന്ന യുവ എഞ്ചിനീയറുടെ സഹായം തേടിയത്. ഇതനുസരിച്ച് ഇയാള്‍ […]

സൊമാലിയക്ക് സൈനീക സഹായവുമായി ഖത്തര്‍

ദോഹ: ഖത്തര്‍ സൊമാലിയക്ക് സൈനീക സഹായം നല്‍കി.  68 അത്യാധുനിക സൈനിക  വാഹനങ്ങളുള്‍പ്പെടെയാണ് കപ്പല്‍ മാര്‍ഗം സൊമാലിയയിലെത്തിച്ചത്.  ഖത്തരി സായുധ സേനയുടെ വിവിധ യൂണിറ്റുകളായാണു വാഹനങ്ങള്‍ മൊഗദിഷു തുറമുഖം വഴി എത്തിച്ചത്. സൊമാലിയയിലെ സര്‍ക്കാരിനെയും ജനങ്ങളെയും സഹായിക്കാനുള്ള ഖത്തറിന്റെ പദ്ധതി പ്രകാരമാണു സഹായമെത്തിച്ചത്. സര്‍ക്കാരിനെയും സ്ഥാപനങ്ങളെയും ശക്തിപ്പെടുത്തുന്നതിനും അതുവഴി സുരക്ഷ ശക്തമാക്കാനും ഭീകരവാദത്തെ നേരിടാനും ഖത്തറിന്റെ പിന്തുണ സഹായിക്കും.

ഉപരോധത്തെ മറികടന്ന പോരാട്ട വീര്യം; ഏഷ്യന്‍ കപ്പ് ഫുട്‌ബോളില്‍ സൗദിയെ മുട്ടുകുത്തിച്ച് ഖത്തര്‍ പ്രീക്വാര്‍ട്ടറില്‍

ദോഹ: കാല്‍പന്തിന്റെ കളിക്കളത്തില്‍ ഭാഗ്യത്തിന്റെ രണ്ട് ഗോളുകള്‍ ഖത്തറിനെ പ്രീക്വാര്‍ട്ടറിലെത്തിച്ചു. യുഎഇയില്‍ നടക്കുന്ന ഏഷ്യന്‍കപ്പ് ഫുട്‌ബോളിലെ അവസാന ഗ്രൂപ്പ് മത്സരത്തിലാണ് ഖത്തര്‍ സൗദി അറേബ്യയെ പരാജയപ്പെടുത്തിയത് (2-0). സ്റ്റാര്‍ സ്‌ട്രൈക്കര്‍ അല്‍മോസ് അലിയാണു ഖത്തറിനു വേണ്ടി രണ്ടു ഗോളുകളും നേടിയത്. 46,80 മിനിറ്റുകളിലായിരുന്നു ഗോളുകള്‍. ജയത്തോടെ മൂന്നു കളികളില്‍ നിന്ന് 9 പോയിന്റുമായി ഗ്രൂപ്പ് ചാംപ്യന്‍മാരായാണു ഖത്തര്‍ പ്രീക്വാര്‍ട്ടറിലെത്തുന്നത്. ഖത്തറിനെതിരെ സൗദിയുള്‍പ്പെടെയുള്ള അയല്‍ രാജ്യങ്ങള്‍ ഏര്‍പ്പെടുത്തിയ ഉപരോധത്തിന്റെ പശ്ചാത്തലത്തില്‍ ഏഷ്യന്‍ കപ്പിലെ ഇന്നലത്തെ മല്‍സരം ശ്രദ്ധ നേടിയിരുന്നു. […]

കേസിനെ സംബന്ധിച്ച വിവരങ്ങള്‍ വിരല്‍ത്തുമ്പില്‍ ; സൗദിയില്‍ കോടതി നടപടികള്‍ക്ക് ഓണ്‍ലൈന്‍ സേവനം തുടങ്ങി

റിയാദ് : ഓണ്‍ലൈന്‍ വഴി സൗദിയില്‍ കോടതി നടപടികള്‍ക്ക് ആരംഭം.  രാജ്യത്തിനകത്തും പുറത്തുമുള്ള സ്വദേശികള്‍ക്കും വിദേശികള്‍ക്കും സൗദിയിലെ കേസിനെ സംബന്ധിച്ച വിവരങ്ങള്‍ വിരല്‍തുമ്പില്‍ 24 മണിക്കൂറും ലഭ്യമാകും. വിഷന്‍ 2030ന്റഭാഗമായാണ് പുതിയ സേവനമെന്ന് മന്ത്രാലയ അധികൃതര്‍ അറിയിച്ചു. അബ്ഷിര്‍ ഇസര്‍വീസ് വഴി കേസിന്റെ വിവരങ്ങളും കോടതി ഉത്തരവുകളും കേസില്‍ ഉള്‍പ്പെട്ട വ്യക്തിയുടെ നിയമനടപടികളുടെ വിവരങ്ങളും സാമ്പത്തിക ബാധ്യതകളും അറിയാനാകും.  കൂടാതെ വക്കീല്‍ നോട്ടിസോ യാത്രാവിലക്കോ ഉണ്ടെങ്കിലും അറിയാന്‍ സാധിക്കും. ആഭ്യന്തര മന്ത്രാലയമാണ് ഓണ്‍ലൈന്‍ ട്രാക്കിങ് സംവിധാനം കൊണ്ടുവന്നത്.  […]

മലയാളി വിദ്യാര്‍ത്ഥിയെ തട്ടിക്കൊണ്ടു പോകാന്‍ ശ്രമം; സൗദിയില്‍ ഊബര്‍ ഡ്രൈവറും കൂട്ടാളിയും പിടിയില്‍

ദമാം: ട്യൂഷന്‍ ക്ലാസില്‍ പോയ മലയാളി വിദ്യാര്‍ത്ഥിയെ തട്ടിക്കൊണ്ടുപോയ ഊബര്‍ ഡ്രൈവറെയും സഹായിയായ യെമന്‍ പൗരനെയും സൗദി പൊലീസ് അറസ്റ്റ് ചെയ്തു. ദമാം ഇന്ത്യന്‍ സ്‌കൂള്‍ വിദ്യാര്‍ഥിയായ കണ്ണൂര്‍ സ്വദേശിയെയാണ് ട്യൂഷന്‍ ക്ലാസില്‍ പോയി തിരിച്ചുവരുന്നതിനിടെ തട്ടിക്കൊണ്ടുപോയത്. സാധാരണ പിതാവാണ് ട്യൂഷന്‍ ക്ലാസില്‍ കൊണ്ടുവിടുന്നതെങ്കിലും അദ്ദേഹത്തിന് തിരക്കായതിനാല്‍ ഊബറില്‍ വരാന്‍ കുട്ടിയോട് നിര്‍ദേശിക്കുകയായിരുന്നു. ഇതനുസരിച്ച് കുട്ടി ഊബര്‍ ടാക്‌സിയില്‍ കയറി. എന്നാല്‍ ഡ്രൈവര്‍ യാത്രാമധ്യേ റാക്കയില്‍വെച്ച് യെമന്‍ പൗരനെ കൂടി വാഹനത്തില്‍ കയറ്റി വഴി തിരിച്ചുവിട്ടു. വിദ്യാര്‍ത്ഥി […]

യുവതിയേയും കുട്ടിയേയും അക്രമിയില്‍ നിന്ന് രക്ഷിക്കവെ അറബ് പൗരന്‍ കുത്തേറ്റ് മരിച്ചു

ഷാര്‍ജ: അക്രമസക്തനായ യുവാവില്‍ നിന്ന് യുവതിയെയും മകളെയും രക്ഷിക്കാന്‍ ശ്രമിച്ച അറബ് പൗരന്‍ കുത്തേറ്റു മരിച്ചു. അക്രമിയുടെ കുത്തേറ്റ് ഏഷ്യക്കാരിയായ യുവതിക്കും ഏഴു വയസ്സുള്ള മകള്‍ക്കും പരുക്കേറ്റു. ഇവര്‍ ആശുപത്രിയില്‍ ചികിത്സയിലാണ്.സന്ദര്‍ശക വിസയില്‍ എത്തിയ അറബ് വംശജനായ മുപ്പത്തിനാലുകാരനാണ് പ്രതിയെന്ന് പൊലീസ് പറഞ്ഞു. ഇയാള്‍ക്കു മാനസിക അസ്വാസ്ഥ്യമുണ്ടെന്നാണു പ്രാഥമിക നിഗമനം. അല്‍ബുത്തീന മേഖലയില്‍ താമസിക്കുന്ന ഇയാള്‍ കത്തിയുമായി പുറത്തിറങ്ങി കണ്ണില്‍ കണ്ടവരെയെല്ലാം ആക്രമിക്കുകയായിരുന്നു. ഇയാളില്‍ നിന്ന് സ്ത്രീയെയും കുട്ടിയെയും രക്ഷിക്കാന്‍ ശ്രമിക്കുന്നതിനിടെയാണ് നാല്‍പത്തിമൂന്നുകാരനായ അറബ് പൗരന് കുത്തേറ്റത്. […]

ഓണ്‍ലൈന്‍ വഴി ഇഖാമ പുതുക്കാം; സംവിധാനം ഉടന്‍ നടപ്പാക്കും

കുവൈത്ത് സിറ്റി: ഇഖാമ ഓണ്‍ലൈന്‍ വഴി പുതുക്കാം. പുതിയ സംവിധാനം ഉടന്‍ നിലവില്‍ വരും. തുടക്കത്തില്‍ ഗാര്‍ഹിക തൊഴിലാളികളുടെ ഇഖാമ പുതുക്കലാകും ഓണ്‍ലൈന്‍ വഴിയാക്കുക. തുടര്‍ന്ന് മറ്റുവിഭാഗങ്ങളുടെ ഇഖാമ പുതുക്കുന്നത് ഓണ്‍ലൈനിലൂടെയാക്കും.

ശമ്പളമില്ലാതെ ദുരിതത്തിലായ തൊഴിലാളികളുടെ പ്രശ്‌നങ്ങള്‍ ഒത്തുതീര്‍പ്പിലേക്ക്‌

അബുദാബി: മലയാളികള്‍ ഉള്‍പ്പെടെ 7 മാസമായി ശമ്പളമില്ലാതെ ദുരിതത്തിലായ 400 തൊഴിലാളികളുടെ പ്രശ്‌നം ഒത്തുതീര്‍പ്പാക്കുന്നു. കുടിശികയില്‍ 50 ശതമാനം നല്‍കാമെന്ന അല്‍ വസീത കാറ്ററിങ് കമ്പനിയുടെ ഉപാധികളില്‍ 90 പേരൊഴികെ മറ്റെല്ലാ തൊഴിലാളികളും അംഗീകരിച്ചു.  ഇതിനകം കേസുകൊടുത്ത് കോടതിയുടെ അന്തിമ വിധി വന്ന മൂന്നു പേര്‍ക്ക് കോടതി നിര്‍ദേശിച്ച തുക മുഴുവന്‍ നല്‍കാനും തീരുമാനമായി. ജോലിയും കൂലിയും ഭക്ഷണവുമില്ലാതെ കഴിയുന്ന തൊഴിലാളികളുടെ ദുരവസ്ഥ നേരത്തേയും റിപ്പോര്‍ട്ട് ചെയ്തിരുന്നു. മാനവശേഷി സ്വദേശിവല്‍ക്കരണ മന്ത്രാലയം, അബുദാബി മൊബൈല്‍ കോടതി, അബുദാബി […]

Page 1 of 1541 2 3 4 5 6 154