ഫെയ്‌സ്ബുക്ക് ആപ്പില്‍ വാട്‌സ്ആപ്പിലേക്കുള്ള ഷോട്ട്കട്ടുകള്‍ പരീക്ഷിക്കുന്നു

Web Desk

ഫെയ്‌സ്ബുക്ക് ആപ്ലിക്കേഷനില്‍ വാട്‌സ്ആപ്പിലേക്കുള്ള ഷോട്ട്കട്ടുകള്‍ പരീക്ഷിക്കുന്നു. ഫെയ്‌സ്ബുക്ക് ആപ്പില്‍ തന്നെ നിന്നുകൊണ്ട് ഷോട്ട്കട്ടുകള്‍ പ്രത്യേക ബട്ടണ്‍ ഒരുക്കിയാണ് ഈ പരീക്ഷണം നടത്തുന്നത്. ഈ പരീക്ഷണം വിജയിച്ചാല്‍ ഫെയ്‌സ്ബുക്കില്‍ നിന്ന് പുറത്തുപോയ ശേഷം വാട്‌സ്ആപ്പില്‍ കയറുന്നത് ഒഴിവാക്കാനാകും. നെക്‌സ്റ്റ് വെബ് എന്ന വെബ്‌സൈറ്റാണ് ഇതുസംബന്ധിച്ച വിവരങ്ങള്‍ പുറത്തുവിട്ടത്. ഫെയ്‌സ്ബുക്ക് ആപ്പിനകത്ത് ഒരുക്കുന്ന വാട്‌സ്ആപ്പ് ബട്ടണിന്റെ സ്‌ക്രീന്‍ഷോട്ട് ഉള്‍പ്പെടെയാണ് വെബ്‌സൈറ്റ് വിവരം പുറത്തുവിട്ടത്. ഫെയ്‌സ്ബുക്ക് ഈ പരീക്ഷണം നടത്തുന്നത് ഡെന്‍മാര്‍ക്കിലെ ഒരു ചെറിയ ഗ്രൂപ്പില്‍ ആണ്. മെനുവില്‍ ഒറ്റയടിയ്ക്ക് തന്നെ കാണാവുന്ന രീതിയിലാണ് വാട്‌സ്ആപ്പ് ഷോട്ട്കട്ട് ഉള്‍പ്പെടുത്തിയിരിക്കുന്നത്. ആന്‍ഡ്രോയ്ഡ് ഫോണ്‍ ഉപഭോക്താക്കള്‍ക്കാണ് ഫെയ്‌സ്ബുക്കിന്റെ പരീക്ഷണം എന്നാണ് വാര്‍ത്തകള്‍.

ഐഫോണ്‍ 8, 8പ്ലസ് പ്രീബുക്കിങ് ആരംഭിച്ചു; റിലയന്‍സ് ഡിജിറ്റല്‍ നല്‍കുന്നു 10,000 രൂപ ക്യാഷ്ബാക്ക് ഓഫര്‍

ആപ്പിള്‍ അവസാനം അവതരിപ്പിച്ച ഫോണുകളാണ് ഐഫോണ്‍ 8, ഐഫോണ്‍ 8 പ്ലസ്,ഐഫോണ്‍ Xഎന്നിവ. ഇന്ത്യയില്‍ സെപ്തംബര്‍ 22 മുതല്‍ ഐഫോണ്‍ 8നും 8 പ്ലസിനും പ്രീബുക്കിങ് ആരംഭിക്കും. പ്രീബുക്കിങ് ചെയ്യുന്നവര്‍ക്ക് ക്യാഷ്ബാക്ക് ഓഫറും മറ്റു ഓഫറുകള്‍ നല്‍കുന്നുണ്ട്. ഐഫോണ്‍ 8, 8 പ്ലസ് എന്നീ ഫോണുകള്‍ റിലയന്‍സ് ഡിജിറ്റല്‍ സ്റ്റോറില്‍ നിന്നും വാങ്ങുകയാണെങ്കില്‍ 70% ബൈബാക്ക് ഓഫര്‍ ലഭിക്കും. റിലയന്‍സ് ഡിജിറ്റല്‍ ഓഫ്‌ലൈന്‍ സ്റ്റോറില്‍ നിന്നും Amazon.com അല്ലെങ്കില്‍ ജിയോ സ്റ്റോറില്‍ നിന്നും ഉപഭോക്താക്കള്‍ക്ക് ഫോണ്‍ പ്രീബുക്കിങ് ചെയ്യാവുന്നതാണ്. ഈ രണ്ട് ഫോണുകളും സെപ്തംബര്‍ 29 മുതല്‍ ഓദ്യോഗികമായി ഇന്ത്യയില്‍ വില്‍പന തുടങ്ങും. അതായത് സിറ്റി ബാങ്ക് ക്രെഡിറ്റ് കാര്‍ഡ് ഉപയോഗിച്ച് ഐഫോണ്‍ 8, 8 പ്ലസ് എന്നീ ഫോണുകള്‍ വാങ്ങുകയാണെങ്കില്‍ 10,000 രൂപ ക്യാഷ്ബാക്ക് ഓഫര്‍ നല്‍കുന്നുണ്ട്.

ഇ-മെയിലിലെ ആ പ്രശ്‌നത്തിന് പരിഹാരവുമായി ഗൂഗിള്‍

ഇ-മെയിലില്‍ ഒരു മേല്‍വിലാസം ലഭിച്ചാല്‍ കോപ്പി ചെയ്യാനും അത് ഗൂഗിള്‍ മാപ്പില്‍ പേസ്റ്റ് ചെയ്ത് സെര്‍ച്ച് ചെയ്യാനും ഒക്കെയായി കുറച്ചധികം സമയനഷ്ടവും ഒപ്പം ബുദ്ധിമുട്ടുകളും അനുഭവിക്കണം. ഒരു പക്ഷെ അത് മൊബൈലില്‍ ആണെങ്കില്‍ കോപ്പി ചെയ്യാന്‍ കഴിഞ്ഞില്ലെങ്കില്‍ ആ മേല്‍വിലാസം മാന്വലായി ടൈപ്പ് ചെയ്യുന്നവര്‍ വരെയുണ്ട്. ഇങ്ങനെ ചെയ്യുമ്പോഴും ചില അക്ഷരങ്ങളോ കുത്തോ, കോമയോ എന്തെങ്കിലും ഒന്നു മാറിയാല്‍, ഉദ്ദേശിച്ച സ്ഥലം തന്നെ മാറിപ്പോയേക്കാം. ഇത്തരം പ്രശ്‌നങ്ങള്‍ക്കെല്ലാം പരിഹാരവുമായാണ് ഗൂഗിളിന്റെ പുതിയ ഫീച്ചര്‍ പരിചയപ്പെടുത്തിയിരിക്കുന്നത്. ഇനി മുതല്‍ മെയിലില്‍ വരുന്ന മേല്‍വിലാസങ്ങള്‍ ഹൈപ്പര്‍ ടെക്‌സറ്റായി കാണാം. ലിങ്കില്‍ ക്ലിക്ക് ചെയ്താല്‍ ഉദ്ദേശിക്കുന്ന സ്ഥലം നേരിട്ട് ഗൂഗിള്‍ മാപ്പില്‍ വ്യക്തമാകും. ഇത്തരത്തില്‍ മെയിലില്‍ വരുന്ന ഫോണ്‍ നമ്പറുകളും ഇനി കോപ്പി ചെയ്്ത് പേസ്റ്റ് ചെയ്യേണ്ട ആവശ്യമില്ല.

സാംസംങ് സ്മാര്‍ട്ട് ഉത്സവ്: ഗ്യാലക്‌സി എസ്8 പ്ലസ് സൗജന്യമായി സ്വന്തമാക്കാം

സാംസംങ് ടിവികള്‍, റഫ്രിജറേറ്ററുകള്‍, മറ്റ് ഇലക്ട്രോണിക് ഉത്പന്നങ്ങള്‍ എന്നിവ സാംസംങ് സ്മാര്‍ട്ട് ഉത്സവ് ഓഫറില്‍ ഉള്‍പ്പെടുന്നു. സെപ്റ്റംബര്‍ 20 ന് ആരംഭിച്ച ഈ സാംസംങ് ഉത്സവം 2017 ഒക്ടോബര്‍ 22 വരെ നീണ്ടു നില്‍ക്കുന്നു. സാംസംങ് കമ്പനിയുടെ ഉത്പന്നങ്ങള്‍ വാങ്ങുമ്പോള്‍ ഗിഫ്റ്റ് വൗച്ചറും വാറണ്ടി സ്‌കീമും നല്‍കുന്നു. മാത്രമല്ല, ഈ ഡീലുകള്‍ കൂടുതല്‍ മെച്ചപ്പെടുത്താനായി ഫ്‌ളക്‌സി ഇഎംഐ സ്‌കീം, ദീര്‍ഘകാല പെന്‍ഷന്‍ സ്‌കീം, പൂജ്യം ഡൗണ്‍ പേയ്‌മെന്റ് എന്നിവയും നല്‍കുന്നുണ്ട്. എസ്ബിഐ ക്രെഡിറ്റ് കാര്‍ഡ് ഉപയോഗിച്ച് ഇഎംഐ ട്രാന്‍സാക്ഷന്‍ അല്ലെങ്കില്‍ എസ്ബിഐ ഡെബിറ്റ് കാര്‍ഡ് ഉപയോഗിക്കുകയാണെങ്കില്‍ 5% ക്യാഷ് ബാക്ക് ഓഫറും ലഭിക്കുന്നു. കൂടാതെ, മറ്റു ആകര്‍ഷകമായ ഡീലുകളും കമ്പനി നല്‍കുന്നുണ്ട്. തിരഞ്ഞെടുത്ത സാംസംങ് ടിവികള്‍ വാങ്ങുമ്പോള്‍ സാംസംങ് ഗ്യാലക്‌സി എസ്8 പ്ലസ് സൗജന്യമായി ലഭിക്കുന്നു. 70,900 രൂപയ്ക്കാണ് സാംസംങ് ഗ്യാലക്‌സി എസ്8 പ്ലസ് വിപണിയില്‍ എത്തിയത്

വിപണി പിടിച്ചടക്കാന്‍ എച്ച്ടിസിയുമായി 110 കോടിയുടെ കരാറൊപ്പിട്ട് ഗൂഗിള്‍

സ്മാര്‍ട്‌ഫോണ്‍ ഉത്പാദനം മെച്ചപ്പെടുത്തുന്നതിനായി തായ്‌വാന്‍ കമ്പനിയായ എച്ച്ടിസിയുമായി 110 കോടി ഡോളറിന്റെ കരാറൊപ്പിട്ട് ഗൂഗിള്‍. ഇതോടെ എച്ച്ടിസിയുടെ എന്‍ജിനീയര്‍മാരും ഡിസൈനര്‍മാരും ഗൂഗിളിന്റെ ഭാഗമാവും. 2018 ആദ്യം കരാര്‍ പ്രാബല്യത്തില്‍ വരുമെന്നാണ് കരുതുന്നത്. ഗൂഗിള്‍ രൂപകല്‍പന ചെയ്ത പിക്‌സല്‍ സ്മാര്‍ട്‌ഫോണുകള്‍ നിര്‍മ്മിച്ചിരുന്നത് എച്ച്ടിസിയാണ്. പിക്‌സല്‍ സ്മാര്‍ട്‌ഫോണുകള്‍ക്ക് വേണ്ടി പ്രവര്‍ത്തിച്ചിരുന്ന സാങ്കേതിക വിദഗ്ദ്ധരും എച്ച് ടിസിയുടെ ഡിസൈന്‍ ടീം അംഗങ്ങളും ഉള്‍പ്പെടുന്ന സംഘത്തെയാണ് ഗൂഗിള്‍ സ്വന്തമാക്കിയിരിക്കുന്നത്. അതേസമയം എച്ച്ടിസി സ്വന്തം സ്മാര്‍ട്‌ഫോണുകള്‍ ഉല്‍പാദിപ്പിക്കുന്നത് തുടരുകയും ചെയ്യും. സ്മാര്‍ട്‌ഫോണ്‍ നിര്‍മ്മാണ മേഖലയിലെ പ്രധാനികളില്‍ ഒരാളായിരുന്ന എച്ച്ടിസിയ്ക്ക് അടുത്തിടെ വിപണിയില്‍ വലിയ നേട്ടമുണ്ടാക്കാനായിരുന്നില്ല. ഈ അവസരത്തിലാണ് ഗൂഗിളുമായുള്ള പുതിയ കരാര്‍.

ജിയോഫോണ്‍ വിതരണം വൈകിയേക്കും; ബുക്കിംങ് സ്റ്റാറ്റസ് പരിശോധിക്കാം

ജിയോ ഫീച്ചര്‍ ഫോണ്‍ വിതരണം ഒക്ടോബര്‍ ഒന്നിലേയ്ക്ക് നീട്ടിയേക്കും. വന്‍തോതില്‍ ഡിമാന്‍ഡ് കൂടിയതോടെ ഓഗസ്റ്റ് 24ന് തുടങ്ങിയ ബുക്കിംങ് ഇടയ്ക്കുവെച്ച് നിര്‍ത്തിയിരുന്നു. സെപ്റ്റംബര്‍ 21 മുതല്‍ ഫോണ്‍ വിതരണം ചെയ്യുമെന്നായിരുന്നു നേരത്തെ അറിയിച്ചിരുന്നത്. കഴിഞ്ഞ മാസം കമ്പനി പുറത്തുവിട്ട കണക്കുപ്രകാരം പത്ത് ലക്ഷത്തോളം ഫോണുകളാണ് ബുക്ക് ചെയ്തത്. ജിയോഫോണ്‍ ബുക്ക് ചെയ്തത് ഓണ്‍ലൈനായും ഓഫ്‌ലൈനായും ഡെലിവറി സ്റ്റാറ്റസ് പരിശോധിക്കാന്‍ കഴിയും. ഓണ്‍ലൈനിലാണെങ്കില്‍ മൈ ജിയോ ആപ്പില്‍ ട്രാക്ക് ഓര്‍ഡറിലെത്തി വിവരങ്ങള്‍ നല്‍കിയാല്‍ മതി. ഓഫ്‌ലൈനില്‍ വിവരം ലഭിക്കാന്‍, രജിസ്റ്റര്‍ ചെയ്ത മൊബൈല്‍ നമ്പറില്‍നിന്ന് കസ്റ്റമര്‍ കെയര്‍ നമ്പറായ 18008908900ലേയ്ക്ക് വിളിക്കുക. ഉടനെതന്നെ എസ്എംഎസ് ലഭിക്കും. ഡെലിവറി തിയതിയും സ്റ്റോര്‍ വിവരങ്ങളും അതിലുണ്ടാകും.

ജിയോഫോണ്‍ വിപണിയിലെത്തിയില്ല; കാത്തിരിപ്പോടെ ഉപഭോക്താക്കള്‍

ഏവരും പ്രതീക്ഷയോടെ കാത്തിരിക്കുന്ന റിലയന്‍സ് ജിയോഫോണ്‍ ഇതുവരെയും വില്‍പനയ്‌ക്കെത്തിയില്ല. സാധാരണ ഗതിയില്‍ കഴിഞ്ഞയാഴ്ച തന്നെ ജിയോഫോണ്‍ വിപണിയിലെത്തേണ്ടതായിരുന്നു. രാജ്യത്തെ ജിയോ ഡിജിറ്റല്‍ എക്‌സ്പ്രസ് സ്റ്റോറുകളും മറ്റ് റീട്ടെയ്ല്‍ വില്‍പനക്കാരും ജിയോഫോണിന്റെ ആദ്യ യൂണിറ്റുകള്‍ക്കായുള്ള കാത്തിരിപ്പിലാണ്. സെപ്റ്റംബര്‍ 21 മുതല്‍ ജിയോഫോണ്‍ വില്‍പന ആരംഭിക്കുമെന്നാണ് റിലയന്‍സ് ജിയോ അറിയിച്ചിരുന്നത്. ഫോണുകള്‍ വൈകുന്നത് സംബന്ധിച്ചോ, എന്ന് എത്തും എന്നതിനെക്കുറിച്ചോ ഉള്ള ഔദ്യോഗികമായ യാതൊരു അറിയിപ്പും ജിയോഫോണ്‍ വില്‍പ്പനക്കാര്‍ക്ക് ലഭിച്ചിട്ടില്ല. അതേസമയം ഒക്ടോബര്‍ ആദ്യവാരം വില്‍പനയാരംഭിക്കുമെന്നാണ് റിപ്പോര്‍ട്ടുകള്‍.

ഗൂഗിള്‍ ‘ടെസ്’ ആപ്പിന് പരാതികളേറെ; സുരക്ഷാ കുറവെന്നും റിവ്യൂ

കഴിഞ്ഞ ദിവസമാണ് ഗൂഗിളിന്റെ പേയ്‌മെന്റ് ആപ്പ് ഗൂഗിള്‍ ‘ടെസ്’ ഇന്ത്യയിലവതരിപ്പിച്ചത്. പക്ഷെ ടെക് ലോകം കരുതിയ അത്ര പെര്‍ഫോമന്‍സ് ‘ടെസ്’ പ്രകടിപ്പിക്കുന്നില്ലായെന്ന റിപ്പോര്‍ട്ടുകളുണ്ട്. വേഗത പോരെന്നും, സുരക്ഷ പ്രശ്‌നങ്ങളുണ്ടെന്നുമാണ് ആപ്പിനെക്കുറിച്ചുള്ള ചില റിവ്യൂകള്‍ വരുന്നത്. ഈ മൊബൈല്‍ ആപ്പ്, ആന്‍ഡ്രോയ്ഡ്, ഐ.ഒ.എസ് പ്ലാറ്റ്‌ഫോമുകളില്‍ ഉപയോഗിക്കാവുന്ന രീതിയിലാണ് നിര്‍മ്മിച്ചിരിക്കുന്നത്. ഓഡിയോ ക്യുആര്‍ സാങ്കേതിക വിദ്യയാണ് ടെസ് ആപ്പിന്റെ പ്രത്യേകത. ഈ സംവിധാനം ഉപയോഗിച്ച് സ്മാര്‍ട്ട്‌ഫോണിലെ ക്യാഷ് മോഡ് ഓപ്ഷനുപയോഗിച്ച് രണ്ടു ഫോണുകള്‍ തമ്മില്‍ ബന്ധിപ്പിച്ച് ഒരു അക്കൗണ്ടില്‍ നിന്ന് മറ്റൊരു അക്കൗണ്ടിലേക്ക് എളുപ്പത്തില്‍ പണം കൈമാറാന്‍ സാധിക്കും. എന്നാല്‍, ഇതിന് ബാങ്ക് അക്കൗണ്ട് വിവരങ്ങളോ ഫോണ്‍ നമ്പറോ നല്‍കേണ്ട ആവശ്യവും ഇല്ല. എച്ച്ഡിഎഫ്‌സി ബാങ്ക്, ആക്‌സിസ് ബാങ്ക്, ഐസിഐസിഐ ബാങ്ക്, എസ്ബിഐ തുടങ്ങിയ ബാങ്കുകളുമായി ഗൂഗിള്‍ പങ്കാളിത്തം ഉറപ്പിച്ചിട്ടുണ്ട്.

ഇന്ത്യയെ പ്രതിരോധിക്കാന്‍ ഹ്രസ്വദൂര ആണവായുധം വികസിപ്പിച്ചെന്ന് പാകിസ്താന്‍ പ്രധാനമന്ത്രി

ഇന്ത്യയെ പ്രതിരോധിക്കാന്‍ ഹ്രസ്വദൂര ആണവായുധം തങ്ങള്‍ വികസിപ്പിച്ചെന്ന് പാകിസ്താന്‍ പ്രധാനമന്ത്രി ഷാഹിദ് ഖാകാന്‍ അബ്ബാസി. പാകിസ്താന്റെ ആണവായുധം സുരക്ഷിതമായാണ് സൂക്ഷിച്ചിരിക്കുന്നതെന്നും അബ്ബാസി പറയുന്നു.

ഉപഭോക്താക്കള്‍ക്ക് 100 ശതമാനം ക്യാഷ്ബാക്ക് ഓഫറുമായി പേടിഎം

സെപ്റ്റംബര്‍ 20 മുതല്‍ 23 വരെ പേടിഎം മാള്‍ മേരാ ക്യാഷ്ബാക്ക് സെയില്‍ നടത്തുന്നു. രാജ്യത്തെ മുന്‍നിര ഇ-കൊമേഴ്‌സ് വെബ്‌സൈറ്റുകളായ ഫ്‌ളിപ്കാര്‍ട്ടും ആമസോണും വന്‍ വില്‍പനയ്ക്ക് ഒരുങ്ങുന്നതിനിടെയാണ് പേടിഎമ്മും ക്യാഷ്ബാക്ക് ഓഫറുകള്‍ പ്രഖ്യാപിച്ചത്. പേടിഎം വഴി സാധനങ്ങള്‍ വാങ്ങുന്നവര്‍ക്ക് 100 ശതമാനം വരെ ക്യാഷ്ബാക്ക് ഓഫര്‍ നല്‍കുമെന്നാണ് പേടിഎം വാഗ്ദാനം. നാലു ദിവസത്തെ സെയിലില്‍ പങ്കെടുക്കുന്നവര്‍ക്ക് പേടിഎം ഗോള്‍ഡ് സമ്മാനമായി കിട്ടാനും സാധ്യതയുണ്ട്. 501 കോടി രൂപയുടെ ക്യാഷ്ബാക്ക് ഓഫറാണ് പേടിഎം പ്രഖ്യാപിച്ചിരിക്കുന്നത്. അതേസമയം, സ്മാര്‍ട്ട്‌ഫോണ്‍ വാങ്ങുന്ന 25 ഭാഗ്യശാലികള്‍ക്കാണ് 100 ശതമാനം ക്യാഷ്ബാക്ക് നല്‍കുന്നത്. ദിവസവും 200 ഉപഭോക്താക്കള്‍ക്ക് പേടിഎം ഗോള്‍ഡ് സമ്മാനമായി ലഭിക്കും.

Page 1 of 1491 2 3 4 5 6 149