ഇവാന്‍ക ട്രംപ് സന്ദര്‍ശനം നടത്താന്‍ മണിക്കൂറുകള്‍ മാത്രം ശേഷിക്കെ മെക്‌സിക്കോയില്‍ യുഎസ് കോണ്‍സുലേറ്റിന് നേരെ ആക്രമണം

Web Desk

മെക്‌സികോസിറ്റി: യുഎസ് കോണ്‍സുലേറ്റിന് നേരെ സ്‌ഫോടക വസ്തുക്കള്‍ ഉപയോഗിച്ചുള്ള ആക്രമണം. യുഎസ് പ്രസിഡന്റ് ഡൊണാള്‍ഡ് ട്രംപിന്റെ മകള്‍ ഇവാന്‍ക ട്രംപും യുഎസ് വൈസ് പ്രസിഡന്റ് മൈക് പെന്‍സും മെക്‌സിക്കോയില്‍ സന്ദര്‍ശനം നടത്താന്‍ മണിക്കൂറുകള്‍ മാത്രം ശേഷിക്കെയാണ് ആക്രമണമുണ്ടായത്. വെള്ളിയാഴ്ച രാത്രിയോടെയാണ് സംഭവം. ഗ്വാഡലജരയിലെ യുഎസ് കോണ്‍സുലേറ്റിന് നേരെയാണ് ആക്രമണമുണ്ടായത്. കോണ്‍സുലേറ്റിന്റെ മതില്‍ തകര്‍ന്നു. ആര്‍ക്കും പരിക്കേറ്റതായി റിപ്പോര്‍ട്ടില്ല.മെക്‌സിക്കോയുടെ പുതിയ പ്രസിഡന്റിന്റെ സ്ഥാനാരോഹണ ചടങ്ങിനായി ഇവാന്‍ക ട്രംപും മൈക് പെന്‍സുമടക്കമുള്ള ഉന്നത യുഎസ് സംഘം ശനിയാഴ്ച രാവിലെയാണ് മെക്‌സിക്കോ […]

അമേരിക്കന്‍ മുന്‍ പ്രസിഡന്റ് ജോര്‍ജ് എച്ച്.ഡബ്ല്യൂ.ബുഷ് അന്തരിച്ചു

വാഷിംഗ്ടണ്‍: അമേരിക്കന്‍ മുന്‍ പ്രസിഡന്റ് ജോര്‍ജ് എച്ച്.ഡബ്ല്യൂ.ബുഷ് അന്തരിച്ചു. 94 വയസായിരുന്നു.  1989 മുതല്‍ നാല് വര്‍ഷം അമേരിക്കന്‍ പ്രസിഡന്റായിരുന്നു. അമേരിക്കയുടെ നാല്‍പത്തിയൊന്നാമത് പ്രസിഡന്റാണ്. ഗള്‍ഫ് യുദ്ധത്തിലും ജര്‍മ്മന്‍ ഏകീകരണത്തിലും ബുഷിന്റെ നിലപാട് നിര്‍ണായകമായി. അമേരിക്കയുടെ നാല്‍പത്തിയൊന്നാമത് പ്രസിഡന്റായിരുന്നു. പാര്‍ക്കിന്‍സണ്‍ രോഗം ബാധിച്ച അദ്ദേഹം ഏറെ നാളായി ചികിത്സയിലായിരുന്നു.  പാർക്കിംഗ്സണ്‍ രോഗബാധിതനായിരുന്നു അദ്ദേഹം. ബുഷിന്റെ വക്താവ് ജിം മഗ്രാത്താണ് മരണവിവരം പുറത്തുവിട്ടത്. രണ്ടു തവണ അമേരിക്കൻ പ്രസിഡന്റായ ജോർജ് ഡബ്ല്യു ബുഷ് അദ്ദേഹത്തിന്‍റെ മകനാണ്. 1991 ലെ ഗള്‍ഫ് […]

മുംബൈ ഭീകരാക്രമണത്തിന്റെ വാര്‍ഷികവേളയില്‍, നീതിക്കായി ദാഹിക്കുന്ന ഇന്ത്യക്കാരോടൊപ്പമാണ് യുഎസ്; ഭീകരവാദത്തിനെതിരായ പോരാട്ടത്തില്‍ ഇന്ത്യയ്ക്ക് ശക്തമായ പിന്തുണ അറിയിച്ച് ട്രംപ്

വാഷിങ്ടന്‍: ഭീകരവാദത്തിനെതിരായ പോരാട്ടത്തില്‍ ഇന്ത്യയ്ക്ക് ശക്തമായ പിന്തുണ അറിയിച്ച് യുഎസ് പ്രസിഡന്റ് ഡൊണാള്‍ഡ് ട്രംപ്. മുംബൈ ഭീകരാക്രമണത്തിന്റെ 10ാം വാര്‍ഷിക വേളയിലാണ് ട്രംപിന്റെ പ്രസ്താവന. ‘മുംബൈ ഭീകരാക്രമണത്തിന്റെ വാര്‍ഷികവേളയില്‍, നീതിക്കായി ദാഹിക്കുന്ന ഇന്ത്യക്കാരോടൊപ്പമാണ് യുഎസ്. 6 അമേരിക്കക്കാരുള്‍പ്പെടെ 166 നിരപരാധികളാണ് ആക്രമണത്തില്‍ കൊല്ലപ്പെട്ടത്. ഭീകരവാദികള്‍ വിജയിക്കാനോ വിജയത്തിന്റെ അടുത്തെത്താനോ ഞങ്ങള്‍ സമ്മതിക്കില്ല’- ട്രംപ് ട്വീറ്റ് ചെയ്തു. 26/11 മുംബൈ ഭീകരാക്രമണത്തിന്റെ സൂത്രധാരന്മാരെ പിടികൂടാന്‍ സഹായിക്കുന്നവര്‍ക്ക് യുഎസ് 5 മില്യന്‍ ഡോളര്‍ ധനസഹായം പ്രഖ്യാപിച്ചിരുന്നു. നേരത്തെ, ലഷ്‌കറെ തയിബ […]

ഷിക്കാഗോയിലെ ആശുപത്രിയില്‍ വെടിവെപ്പ്; 4 പേര്‍ കൊല്ലപ്പെട്ടു

ഷിക്കാഗോ : യുഎസിലെ ഷിക്കാഗോയില്‍ വെടിവെപ്പ്. മേഴ്‌സി ഹോസ്പിറ്റലിലാണ് വെടിവെപ്പുണ്ടായത്. നാല് പേര്‍ കൊല്ലപ്പെട്ടു. കൊല്ലപ്പെട്ടവരില്‍ വെടിവെപ്പ് നടത്തിയയാളും ഉള്‍പ്പെടുന്നു. ആശുപത്രിയുടെ പാര്‍ക്കിങ് ഏരിയയിലാണ് വെടിവെപ്പ് നടന്നത്. വനിതാ ഡോക്ടര്‍ക്ക് നേരെ വെടിവെച്ച ശേഷം ചുറ്റുപാടുമുള്ളവരുടെ നേരെ അക്രമി നിറയൊഴിക്കുകയായിരുന്നു. അക്രമി വിവാഹം കഴിക്കാന്‍ നിശ്ചയിച്ചിരുന്നയാളെ ലക്ഷ്യമാക്കിയായിരുന്നു ആക്രമണമെന്നാണ് കരുതുന്നത്. ഒരു ഡോക്ടറും, ഫാര്‍മസ്യൂട്ടിക്കല്‍ അസിസ്റ്റന്റും, ഒരു പൊലീസ് ഓഫീസറുമാണ് കൊല്ലപ്പെട്ടതെന്ന് ഷിക്കാഗോ മേയര്‍ വ്യക്തമാക്കിയതായി ബിബിസി റിപ്പോര്‍ട്ട് ചെയ്തു. പൊലീസ് നടത്തിയ വെടിവെപ്പിലാണ് അക്രമി കൊല്ലപ്പെട്ടതെന്നാണ് […]

കാലിഫോര്‍ണിയയില്‍ കാട്ടുതീ പടരുന്നു; 11 മരണം; 35 പേരെ കാണാതായി റിപ്പോര്‍ട്ട്

കാലിഫോര്‍ണിയ: യുഎസിലെ കാലിഫോര്‍ണിയയില്‍ കാട്ടുതീ പടരുന്നു. കഴിഞ്ഞ മൂന്നുദിവസങ്ങളിലായി പടര്‍ന്നു പിടിച്ച കാട്ടുതീയില്‍ 11 മരണമാണ് റിപ്പോര്‍ട്ട് ചെയ്തിരിക്കുന്നത്. 35 പേരെ കാണാതായതായി റിപ്പോര്‍ട്ടുണ്ട്. രണ്ടുരലക്ഷത്തിലേരെ പേരെയാണ് ഇതുവരെ മാറ്റിപ്പാര്‍പ്പിച്ചത്. വീടുകളുള്‍പ്പെടെ 6700 കെട്ടിടങ്ങളാണ് തീയില്‍പ്പെട്ടത്. ചരിത്രത്തില്‍തന്നെ വലിയ ദുരന്തംവിതച്ച കാട്ടുതീയാണ് ഇത്. 90000 ഏക്കര്‍ കത്തിനശിച്ച ബുട്ടി കൗണ്ടിയിലാണ് 35 പേരെ കാണാതായത്. തൗസന്‍ഡ് ഓക്‌സ്, പാരഡൈസ് പട്ടണങ്ങളിലാണ് ഏറെ നാശംവിതച്ചത്. 35000 ഏക്കറോളം വിസ്തൃതിയിലാണ് തീ പടര്‍ന്നുപിടിച്ചത്. ശക്തമായ കാറ്റും വരണ്ട കാലാവസ്ഥയും കാരണം […]

ട്രംപിന് തിരിച്ചടിയായി യുഎസ് ജനപ്രതിനിധിസഭ ഡെമോക്രാറ്റുകള്‍ പിടിച്ചു

വാഷിങ്ടന്‍: ഡൊണാള്‍ഡ് ട്രംപിന് തിരിച്ചടിയായി യുഎസ് ജനപ്രതിനിധിസഭ (ഹൗസ്) ഡെമോക്രാറ്റുകള്‍ പിടിച്ചെടുത്തു. സെനറ്റില്‍ റിപ്പബ്ലിക്കന്‍ മേധാവിത്വം തുടരുമെങ്കിലും പ്രസിഡന്റ് ട്രംപിന് വിവാദനയങ്ങളുമായി മുന്നോട്ടുപോകാന്‍ ബുദ്ധിമുട്ടാകും. 435 അംഗ ഹൗസില്‍ 222 സീറ്റുകളാണ് ഡെമോക്രാറ്റുകള്‍ നേടിയത്. ട്രംപിന്റെ റിപ്പബ്ലിക്കന്‍ പാര്‍ട്ടി 196 സീറ്റ് നേടി. കേവല ഭൂരിപക്ഷത്തിനു വേണ്ടത് 218 ആണ്. 4 ഡെമോക്രാറ്റ് സീറ്റുകള്‍ പിടിച്ചെടുത്തതുള്‍പ്പെടെ സെനറ്റില്‍ നിലവിലുണ്ടായിരുന്ന നേരിയ ഭൂരിപക്ഷം മെച്ചപ്പെടുത്താനായതാണ് റിപ്പബ്ലിക്കന്‍ പാര്‍ട്ടിയുടെ നേട്ടം. ജനപ്രതിനിധി സഭ കൈവിട്ടുപോയിട്ടും ‘ഗംഭീരവിജയത്തിന്റെ രാത്രി’യെന്നാണ് ട്രംപ് ട്വീറ്റ് […]

യുഎസ് ഇടക്കാല തെരഞ്ഞെടുപ്പ്: ആദ്യഫല സൂചനകള്‍ പുറത്തു വന്നപ്പോള്‍ ട്രംപിന് തിരിച്ചടി

വാഷിങ്ടന്‍: യുഎസ് ഇടക്കാല തെരഞ്ഞെടുപ്പില്‍ ആദ്യഫല സൂചനകള്‍ പുറത്തു വന്നപ്പോള്‍ പ്രസിഡന്റ് ഡൊണാള്‍ഡ് ട്രംപിന് തിരിച്ചടി. സെനറ്റില്‍ ഫലം വന്ന മാസച്യുസെറ്റ്‌സില്‍ ഡമോക്രറ്റിക് സ്ഥാനാര്‍ഥി എലിസബത്ത് വാരന്‍ വിജയിച്ചു. വെര്‍മൗണ്ടില്‍ സ്വതന്ത്ര സ്ഥാനാര്‍ഥിയായി മത്സരിച്ച ബര്‍ണി സെന്‍ഡേഴ്‌സിനാണ് വിജയം. അതേസമയം, ഇന്ത്യാനയില്‍ ജനപ്രതിനിധി സഭയിലേക്ക് വൈസ് പ്രസിഡന്റ് മൈക്ക് പെന്‍സിന്റെ സഹോദരന്‍ റിപ്പബ്‌ളിക്കന്‍ സ്ഥാനാര്‍ഥി ഗ്രെഗ് പെന്‍സ് വിജയച്ചു കയറി. ഡമോക്രാറ്റ് സെനറ്റര്‍ കിര്‍സ്റ്റന്‍ ഗില്ലിബ്രാന്‍ഡ് ന്യൂയോര്‍ക്കില്‍ വീണ്ടും തെരഞ്ഞെടുക്കപ്പെട്ടു. ഡെമോക്രാറ്റിക് പാര്‍ട്ടിയുടെ ഭാവിയിലെ പ്രസിഡന്റ് സ്ഥാനാര്‍ഥി […]

അമേരിക്കയില്‍ ഇന്ന് ഇടക്കാല പൊതു തെരഞ്ഞെടുപ്പ്

ന്യൂയോര്‍ക്ക്: അമേരിക്കയില്‍ ഇന്ന് ഇടക്കാല പൊതു തെരഞ്ഞെടുപ്പ് നടക്കും. പ്രസിഡന്റ്് ഡൊണാള്‍ഡ് ട്രംപിന്റെ 20 മാസത്തെ ഭരണത്തിന്റെ ഹിതപരിശോധനയായിട്ടാണ് ഈ ജനവിധി കണക്കാക്കപ്പെടുന്നത്. 435 അംഗ ജനപ്രതിനിധിസഭയിലെ എല്ലാ സീറ്റുകളിലേക്കും 100 അംഗ സെനറ്റിലെ 35 സീറ്റുകളിലേക്കുമാണ് ഇടക്കാല തെരഞ്ഞെടുപ്പ് നടക്കുന്നത്. 36 സംസ്ഥാനങ്ങളില്‍ ഗവര്‍ണര്‍ സ്ഥാനത്തേക്കും വോട്ടെടുപ്പ് നടക്കും. അഭിപ്രായ സര്‍വ്വേകള്‍ ഡെമോക്രാറ്റുകള്‍ക്ക് നേരിയ മുന്‍തൂക്കം നല്‍കുന്നു.ജനപ്രതിനിധി സഭയിലെ റിപബ്ലിക്കന്‍ ഭൂരിപക്ഷം അട്ടിമറിക്കാമെന്നാണ് ഡമോക്രാറ്റുകളുടെ പ്രതീക്ഷ. പക്ഷേ സെനറ്റില്‍ ഡമോക്രാറ്റുകളുടെ സീറ്റിലേക്ക് തന്നെയാണ് തെരഞ്ഞെടുപ്പ് നടക്കുന്നത്. […]

അമേരിക്കയില്‍ ജനിക്കുന്ന കുടിയേറ്റക്കാരുടെ കുട്ടികള്‍ക്ക് പൗരത്വം നല്‍കില്ലെന്ന് ട്രംപ്

വാഷിംഗ്ടണ്‍: അമേരിക്കന്‍ മണ്ണില്‍ ജനിക്കുന്ന കുടിയേറ്റക്കാരുടെ കുട്ടികള്‍ക്കു പൗരത്വം നിഷേധിക്കുന്ന ഉത്തരവില്‍ ഒപ്പിടാന്‍ പ്രസിഡന്റ് ഡൊണാള്‍ഡ് ട്രംപ് ഒരുങ്ങുന്നു. തിങ്കളാഴ്ച ഒരു ചാനലിനു നല്‍കിയ അഭിമുഖത്തിലായിരുന്നു ട്രംപിന്റെ വാക്കുകള്‍. ഒരാള്‍ യുഎസില്‍ എത്തി കുഞ്ഞിനു ജന്മം നല്‍കിയാല്‍, ആ കുഞ്ഞ് യുഎസ് പൗരത്വം നേടുകയും 85 വര്‍ഷത്തേക്ക് എല്ലാ ആനുകൂല്യങ്ങളും നേടുകയും ചെയ്യുന്ന ഏക രാഷ്ട്രം അമേരിക്കയാവും. ഇതു വിഡ്ഢിത്തമാണ്. ഇത് അവസാനിപ്പിക്കണം ട്രംപ് പറഞ്ഞു. ഒരു ഉത്തരവിലൂടെ ഇതു മറികടക്കാനാണു താന്‍ ആലോചിക്കുന്നതെന്നും പ്രശ്‌നം വൈറ്റ് […]

അമേരിക്കയിലെ പെന്‍സില്‍വാനിയയില്‍ ജൂതപ്പള്ളിയില്‍ വെടിവെപ്പ്; 11 പേര്‍ കൊല്ലപ്പെട്ടു

പെന്‍സില്‍വാനിയ: അമേരിക്കയിലെ പെന്‍സില്‍വാനിയയില്‍ ജൂതപ്പള്ളിയില്‍ വെടിവെപ്പ്. 11 പേര്‍ കൊല്ലപ്പെട്ടു. വെടിവെപ്പ് നടത്തിയ അക്രമി പൊലീസിനു മുന്നില്‍ കീഴടങ്ങിയതായാണ് റിപ്പോര്‍ട്ടുകള്‍. പിറ്റ്‌സ്ബര്‍ഗ് നഗരത്തിലുള്ള ജൂതപ്പള്ളിയില്‍ പ്രാദേശിക സമയം 10 മണിയോടെയാണ് വെടിവെപ്പുണ്ടായത്. സംഭവത്തില്‍ നിരവധി പേര്‍ക്ക് പരിക്കേറ്റതായും വിവരങ്ങള്‍ പുറത്തുവരുന്നുണ്ട്. വെടിവെപ്പ് നടന്ന സമയത്ത് നിരവധിപേര്‍ സിനഗോഗില്‍ ഉണ്ടായിരുന്നു. അക്രമിയുടെ ലക്ഷ്യം എന്താണെന്ന് വ്യക്തമായിട്ടില്ല. അക്രമത്തെ തുടര്‍ന്ന് ആളുകളെ പോലീസ് അവിടെനിന്ന് ഒഴിപ്പിച്ചു. അക്രമിയെ പിടികൂടാന്‍ ശ്രമിക്കുന്നതിനിടെ മൂന്ന് പൊലീസ് ഉദ്യോഗസ്ഥര്‍ക്കും വെടിയേറ്റിട്ടുണ്ട്.

Page 1 of 1931 2 3 4 5 6 193